मोडनिंब – सोलापूर-पुणे महामार्गावर मोडनिंब (ता. माढा) येथे उड्डाणपुलावरून कंटेनर वाहतूक करणारा ट्रेलर खाली कोसळला. सोमवार दि. २४ नोव्हेंबर रोजी पहाटे पावणे पाचच्या सुमारास सोलापूरहून पुण्याकडे कंटेनर वाहतूक करणारा रिकामा ट्रेलर (क्र. सीजे ३९ सी २७००) जात असताना उड्डाणपुलावर आल्यानंतर चालकाचा वाहनावरील ताबा सुटला.त्यानंतर दुभाजक ओलांडून विरुद्ध दिशेच्या बाजूने हा ट्रेलर पुलावरून अर्धवट अवस्थेत खाली कोसळला.
केबिन व पुढील बाजू पुलाखाली, तर मागील बाजू पुलावर लोंबकळलेल्या अवस्थेत राहिली आहे.प्रचंड मोठा अपघात होऊनही चालकास कोणतीही दुखापत झाली नाही. कोसळलेला ट्रेलर व पुलाच्या भिंतीमधील गॅपमध्ये चालकाचे केबिन कोसळल्याने कोणतीही जीवितहानी झाली नाही.
ट्रेलर आणि पुलाच्या भिंतीमधील मोकळ्या जागेत केबिन कोसळल्याने मोठी जीवितहानी टळली.अपघातात ट्रेलरचे मोठे नुकसान झाले आहे.घटनास्थळी वाहनतळ व्यवस्था बिघडू नये म्हणून पोलिसांनी तत्काळ धाव घेतली.
