केरळमधील कन्नूर जिल्ह्यातील कनिचरा गावात आफ्रिकन स्वाइन फ्लूचा एक रुग्ण आढळून आला आहे. त्यामुळे कन्नूरच्या जिल्हाधिकाऱ्यांनी डुकरांना मारण्याचे आदेश दिले आहेत.याशिवाय, जिल्हा पशुसंवर्धन अधिकाऱ्यांना 18 ऑगस्ट रोजी मल्याळम पाडी भागातील एका खासगी शेतात स्वाइन फ्लूचा एक रुग्ण आढळून आला. त्यांनी 10 किलोमीटरच्या परिघात शेतातील डुकरांना मारण्याचा आदेश जारी केला. तसेच महामारीच्या नियमांनुसार दफन करण्यास सांगितले आहे.
यासंदर्भात सूत्रांनी दिलेल्या माहितीनुसार, डुक्करांचे फार्म असलेल्या क्षेत्रापासून 1 किलोमीटरची त्रिज्या आणि ज्या भागात स्वाईन फ्लूची प्रकरणे आढळून आली आहेत. अशा परिसराच्या 10 किलोमीटर त्रिज्येला रोग निगराणी क्षेत्र म्हणून घोषित करण्यात आले आहे. तसेच डुकराचे मांस विक्री आणि निर्यातीवर 3 महिन्यांची बंदी घालण्यात आली आहे. जिल्हाधिकारी आणि जिल्हा आपत्ती व्यवस्थापन अधिकाऱ्यांनी स्थानिक अधिकाऱ्यांना आफ्रिकन स्वाइन फ्लूच्या प्रकरणांचा अहवाल देण्यास सांगितले आहे. यासोबतच गेल्या दोन महिन्यांतील बाधित डुकरांना इतर शेतात पाठवल्याचा अहवालही मागवण्यात आला आहे.
कोणत्याही गावात आफ्रिकन स्वाइन फ्लू आढळल्यास तात्काळ आपत्ती व्यवस्थापन अधिकाऱ्यांना कळवावे. गावातील पशुवैद्यकीय डॉक्टरांना याप्रकरणी कारवाई करण्याचे आदेश देण्यात आले आहेत. दरवर्षी देशभरात आफ्रिकन स्वाइन फ्लू पसरत असल्याच्या बातम्या येतात. यामध्ये हजारो डुकरांचा मृत्यू होतो. गेल्या काही वर्षांत, केरळ व्यतिरिक्त, त्याचा संसर्ग आसाम, बिहार, मध्य प्रदेश, हरियाणा आणि उत्तर प्रदेशमध्ये पसरला होता. देशात सर्वाधिक डुकरांची संख्या आसाममध्ये आढळून येते.
