शेतकऱ्यांनी बंद पाडला कांद्याचा लिलाव
तीन दिवसाच्या बाजार समिती बंद नंतर गुरुवारी कांद्याचे लिलाव सुरू झाले परंतु ते फक्त लासलगाव मध्ये तर पिंपळगाव आणि येवला येथे योग्य भाव मिळत नसल्यामुळे शेतकऱ्यांनी कांद्याचे लिलाव बंद पडले आहेत जिल्ह्यातील इतर बाजार समितीमध्ये देखील कांद्याचे लिलाव सुरू झाले आहेत परंतु शेतकऱ्यांचा मात्र प्रतिसाद नसल्याचे सांगण्यात येते आहे. दरम्यान कांद्याला पंचवीसशे रुपये भाव दिल्यानंतर हे भाव कमी झाल्यामुळे संतप्त झालेल्या शेतकऱ्यांनी लासलगाव येथील लिलाव देखील बंद पडले आहेत
केंद्र सरकारने निर्यातीवर 40 टक्क्यांनी वाढ केल्यानंतर मागील तीन दिवसापासून जिल्ह्यात व्यापाऱ्यांनी व्यवहार न करण्याचा निर्णय घेतला होता तर जिल्ह्यातील संतप्त झालेल्या शेतकरी वर्गाने स्वाभिमानी शेतकरी संघटना आणि महाराष्ट्र राज्य कांदा उत्पादक संघटनेच्या माध्यमातून आंदोलन केली होती यामध्ये स्वाभिमानी शेतकरी संघटना आंदोलनामध्ये जास्त संतप्त असल्याचे समोर येत होते.
सर्व प्रश्नांची चर्चा करण्यासाठी केंद्रीय आरोग्य राज्यमंत्री भारती पवार यांनी जिल्हाधिकारी कार्यालयामध्ये बुधवारी बैठक बोलावली होती या बैठकीला व्यापारी शेतकरी संघटनेचे प्रतिनिधी नाफेडचे अधिकारी जिल्हा प्रशासनातील वरिष्ठ अधिकारी सहभागी झाले होते या बैठकीमध्ये व्यापारी असोसिएशन ने गुरुवारपासून कांदा लिलाव सुरू करण्याचा निर्णय घेतला होता. त्याप्रमाणे गुरुवारी कांद्याचे लिलाव सुरू झाले लासलगाव या आशिया खंडातील सर्वात मोठ्या कांद्याच्या बाजारपेठेमध्ये 200 ट्रॅक्टर लिलावासाठी आले होते या ट्रॅक्टरला नाफेड ने दिलेल्या भावापेक्षा 90 रुपये भाव हा सुरुवातीला जास्त मिळाला आहे म्हणजेच लासलगाव येथे पंचवीसशे रुपये क्विंटल ने कांदा खरेदी केला जात आहे.
दरम्यान दुसरीकडे कांद्याची बाजारपेठ असलेल्या येवला आणि पिंपळगाव बाजार समितीमध्ये कांद्याला योग्य भाव मिळत नसल्याने संतप्त झालेल्या शेतकऱ्यांनी कांद्याचे लिलाव बंद पाडले आणि व्यापाऱ्यांनी हा कांदा खरेदी न करता हा कांदा नाफेडणे खरेदी करावा अशी मागणी करीत लिलाव सुरू होऊ दिले नाही. पिंपळगाव आणि येवला या ठिकाणी व्यापाऱ्यांनी 23 00 रुपये भाव दिला हा भाव मान्य नसल्यामुळे लिलाव या ठिकाणी थांबविण्यात आले.पिंपळगाव बसवंत या ठिकाणी संतप्त झालेल्या शेतकऱ्यांनी केंद्रीय आरोग्य राज्यमंत्री भारती पवार यांनी या ठिकाणी यावे अशी मागणी केली तोपर्यंत कांद्याचे लिलाव सुरू होणार नाही अशी भूमिका शेतकऱ्यांनी घेतल्यामुळे या ठिकाणी लिलाव बंद आहेत.दरम्यान लासलगाव येथे सकाळी लिलाव सुरू झाले परंतु या ठिकाणी पंचवीसशे रुपये भावावरून हा भाव घसरून लागला त्यामुळे संतप्त झालेल्या शेतकऱ्यांनी अवघ्या एक तासातच कांद्याचे लिलाव बंद पडले
याबाबत स्वाभिमानी शेतकरी संघटनेचे प्रदेशाध्यक्ष संदीप जगताप म्हणाले की,नाफेड पेक्षा कांदा उत्पादक शेतक-यांना योग्य भाव बाजार समितीमध्ये मिळाला तरच शेतकरी आपला कांदा या ठिकाणी देतील त्यामुळे या भावाबाबत बाजार समितीने सकारात्मक भूमिका घ्यावी अशी मागणी केली आहे तर कांदा उत्पादक शेतकरी संघटनेचे भरत दिघोळ यांनी सांगितले की, नाफेड पेक्षा जास्त भाव हा शेतकऱ्यांना दिला जावा तरच शेतकरी आपला कांदा हा बाजार समितीमध्ये आणतील अन्यथा यामध्ये शेतकरी भाग घेणार नाही असा इशारा दिला आहे.
