जर तुम्ही विमानाने प्रवास करत असाल तर ही बातमी तुमच्यासाठी महत्वाची आहे. विमानात बसण्यापूर्वी तुम्हाला तुमचे सर्व इलेक्ट्रॉनिक डिवाइसेज बंद करायचे असतात किंवा ते एयरप्लेन मोड टाकावे लागतात. परंतु बऱ्याचदा लोक असं करत नाहीत आणि विमान उड्डाणाला काही सेकंद असताना देखील फोनवर बोलत असतात.
केबिन क्रू नेहमीच प्रवाश्यांना त्यांचा फोन बंद करण्यास किंवा एयरप्लेन मोडवर टाकण्याच्या सूचना देत असतात परंतु अनेकजण आपली मनमानी करतात. अलीकडेच एक घटना समोर आली आहे ज्यात एक व्यक्तीनं केबिन क्रूच्या सूचना पाळण्यास नकार दिला. जेव्हा विमान उडण्यासाठी सज्ज झालं तेव्हा देखील तो फोनवर बोलत राहिला. त्या व्यक्तीला विमानातून उतरण्यास सांगितलं.
एका रिपोर्टनुसार, ४५ वर्षीय सुरनजीत दास चौधरी अलायंस एयरनं कोलकात्याला जात होता. जेव्हा विमान उडण्यासाठी सज्ज होता तेव्हा देखील तो फोनवर बोलत होता. जेव्हा त्याने केबिन क्रूच्या सूचना पाळण्यास नकार दिला तेव्हा सुरक्षा प्रोटोकॉलचं उल्लंघन झालं. चौधरीसह इतर १० लोकांनी देखील त्याच्याविना प्रवास करण्यास नकार दिला.
सूत्रांच्या माहितीनुसार, ही घटना जेव्हा घडली तेव्हा विमान आकाशात झेपावलं होतं परंतु तरी देखील वैमानिकांनी विमान लँड केलं आणि त्या प्रवाशांना उतरवलं. त्यानंतर ह्या लोकांना पोलिसांच्या ताब्यात देण्यात आलं. परंतु त्यांच्या विरोधात कोणताही गुन्हा दाखल करण्यात आला नाही आणि त्यांना घरी जाण्याची परवानगी देण्यात आली.
