लोकसभा निवडणुकीच्या तोंडावरच जालन्यात काँग्रेसला मोठा धक्का बसला आहे. जालन्यातील काँग्रेसचे ज्येष्ठ नेते तथा प्रदेश प्रवक्ते संजय लाखे पाटील यांनी शिवसेनेच्या ठाकरे गटात प्रवेश केला आहे. एकीकडे भाजपने रावसाहेब दानवे यांना जालना लोकसभा मतदारसंघातून सहाव्यांदा उमेदवारी जाहीर केली आहे. तर, महाविकास आघाडीकडून अद्यापही उमेदवाराचा शोध सुरू आहे.
खासदार आणि केंद्रीय मंत्री असलेले रावसाहेब दानवे यांना टक्कर देण्यासाठी महाविकास आघाडीतील सर्व पक्ष, तसेच काँग्रेस पक्ष उमेदवारांचा शोध घेत असतानाच काँग्रेस पक्षाचे एकनिष्ठ नेते तथा प्रदेश प्रवक्ते डॉ. संजय लाखे पाटील यांनी काँग्रेसची साथ सोडत शिवसेनेच्या ठाकरे गटाची मशाल हातात घेतली आहे.
