सोलापूर – जगातील आघाडीच्या दूरसंचार पायाभूत सुविधा सेवा पुरवठादारांपैकी एक असलेल्या इंडस टॉवर्सने नैसर्गिक आपत्तीग्रस्त समुदायांना मदत करण्याची आपली बांधिलकी कायम ठेवत सोलापूर आणि नांदेड जिल्ह्यांतील प्रभावित कुटुंबांना हातभार लावला आहे.आपल्या प्रमुख कॉर्पोरेट सोशल रिस्पॉन्सिबिलिटी कार्यक्रम “प्रगती” अंतर्गत कंपनीने १,५००आवश्यक मदत किट्सचे वितरण केले.या किट्समध्ये तात्काळ पोषण आणि उपजीविकेच्या गरजा पूर्ण करणारी महत्त्वाची साहित्य सामग्री समाविष्ट होती.
या उपक्रमाबाबत बोलताना इंडस टॉवर्स लिमिटेडचे चीफ ऑपरेटिंग ऑफिसर तेजिंदर कालरा यांनी सांगितले,इंडस टॉवर्समध्ये आम्ही केवळ कनेक्टिव्हिटी पुरवणाऱ्या कंपनीपेक्षा अधिक असल्याचा विश्वास बाळगतो.सर्वाधिक गरज असताना समुदायांसोबत उभे राहणे हे आमचे कर्तव्य आहे. पुरामुळे नागरिकांचे जीवन आणि उपजीविका मोठ्या प्रमाणात प्रभावित झाली आहे.
इंडस टॉवर्स लिमिटेडचे सर्कल मुख्य कार्यकारी अधिकारी नीरेज सिंह म्हणाले, अलीकडील पुरांच्या संकटामुळे सोलापूर आणि नांदेडमधील अनेक कुटुंबांना मोठा फटका बसला आहे.या उपक्रमाद्वारे आम्ही योग्यवेळी मदत पोहोचवून या प्रदेशात लवकरात लवकर सामान्य स्थिती प्रस्थापित व्हावी अशी अपेक्षा आहे.हा सीएसआर उपक्रम इंडस टॉवर्सच्या व्यापक ध्येयाचा हिस्सा असून,वेळेवर हस्तक्षेप आणि सहकार्याच्या कृतीद्वारे समुदायांना सक्षम करणे आणि त्यांची पुनर्बांधणी साध्य करणे हे त्यामागील उद्दिष्ट आहे.
