देगलूर येथे भीमशक्ती सामाजिक संघटने कडून आढावा बैठक संपन्न — बैठकीला जिल्ह्यातील अनेक तालुक्याचे तालुकाध्यक्षांची उपस्थिती….!
हाणेगाव प्रतीनिधी/फारुख पटेल : देगलूर येथे दिनांक 19 जुलै 2024 रोजी देगलूर येथील शासकीय विश्रामगृहावर भीमशक्ती सामाजिक संघटनेच्या वतीने आढावा बैठकीचे आयोजन करण्यात आले होते या आयोजनाची पार्श्वभूमी भीमशक्ती सामाजिक संघटनेचे जिल्ह्यामध्ये संघटन वाढवून गावा गावामध्ये शाखा स्थापन करणे संघटना वाढवणे व येणाऱ्या विधानसभा, जिल्हा परिषद, पंचायत समिती, निवडणुकीच्या संदर्भात या आढावा बैठकीचे मूळ मुद्द्यावर या बैठकीचे आयोजन करण्यात आलं होतं या बैठकीच्या अध्यक्षस्थानी भीमशक्ती सामाजिक संघटनेचे जिल्हाध्यक्ष शत्रुघन वाघमारे हे होते तर प्रमुख पाहुणे म्हणूनरघुनाथ सोनकांबळे भीमशक्ती सामाजिक संघटना जिल्हा उपाध्यक्ष, शिवराज गायकवाड धर्माबाद तालुका अध्यक्ष, आकाश कांबळे मुखेड तालुका अध्यक्ष, गंगाधर सोनकांबळे बिलोली तालुका अध्यक्ष, नायगाव तालुका अध्यक्ष भगवान भद्रे, देगलूर तालुका अध्यक्ष किशोर आडेकर, यांची मंचावर उपस्थिती होती यावेळी
या कार्यक्रमाला भीमशक्ती सामाजिक संघटनेच्या वतीने वरिष्ठांकडून शिवराज गायकवाड रघुनाथ सोनकांबळे हे प्रतिनिधी म्हणून उपस्थित होते यावेळी भीमशक्ती सामाजिक संघटनेचे संघटन व येणाऱ्या विधानसभेमध्ये काँग्रेस पक्षाकडून बौद्ध समाजाला उमेदवारी देऊन प्रतिनिधित्व देण्यात यावं असं यावेळी सर्व ग्रामीण भागातील कार्यकर्त्याकडून एक मुखी मागणी करण्यात आली व आलेल्या प्रतिनिधींना असे सांगण्यात आले की गेल्या वीस वर्षाच्या काळात काँग्रेस कडून बौद्ध समाजाला प्रतिनिधित्व दिले गेले नसल्याने येथील बौद्ध समाज नाराज असल्याचे पाहायला मिळत आहे तरी येणाऱ्या विधानसभेमध्ये भीमशक्तीचा कार्यकर्त्यांना बौद्ध समाजाला प्रतिनिधित्व देऊन उमेदवारी देण्यात यावी अशी यावेळी मागणी करण्यात आली
तर यावेळी भीमशक्ती सामाजिक संघटनेकडून विधानसभेच्या काँग्रेसच्या उमेदवारीसाठी भीमशक्ती सामाजिक संघटनेचे जिल्हाध्यक्ष शत्रुघन वाघमारे, तसेच बिलोली तालुका अध्यक्ष गंगाधर सोनकांबळे हे इच्छुक असल्याचे सांगण्यात आले यावेळी आदरणीय चंद्रकांत जी हांडोरे साहेब ( राज्यसभेचे खासदार ) यांच्याकडे नांदेड जिल्ह्यातील भीम शक्ती सामाजिक संघटनेच्या वतीने एक मुखी मागणी करावी अशी यावेळी वरिष्ठांना विनंती करण्यात आली तर यावेळी अनेक जणांनी आपले मत मांडले कार्यकर्त्याने मत मांडल्यानंतर प्रमुख पाहुण्याने आपले मार्गदर्शन केले व यावेळी भीमशक्ती सामाजिक संघटनेच्या वतीने शत्रुघन वाघमारे यांना काँग्रेस पक्षाकडून उमेदवारी देण्यात यावी अशी एकमुखाने मागणी करण्यात आली व हा संदेश प्रतिनिधीच्या मार्फत आदरणीय चंद्रकांतजी हंडोरे साहेबांना विनंती करण्यात यावी असे सांगण्यात आले यावेळी ग्रामीण भागातील अनेक कार्यकर्ते उपस्थित होते
भीमशक्तीचे राष्ट्रपाल वाघमारे, ( युवा जिल्हाध्यक्ष भीमशक्ती सामाजिक संघटना ) प्रकाश कदम शहर सचिव तसेच तालुका उपाध्यक्ष भीमराव भूतणरे, सुधाकर टोके, अशोक सीताफुले, संघपाल मदने, नितेश सूर्यवंशी, सुनील कांबळे प्रकाश मोरे, गौतम कांबळे आधी आणि कार्यकर्त्याची उपस्थिती होती.