भिवंडी तालुक्यातील सरवली एमआयडीसी येथे डायपर बनविणाऱ्या फॅक्टरीला भीषण आग लागली. मंगळवारी पहाटेच्या सुमारास ही आग लागली. सदाशिव हायजिन प्रा.ली. असे या कंपनीचे नावं आहे. ही आग एवढी मोठी होती की भिवंडी, कल्याण, ठाणे येथील अग्निशामक दलाच्या गाड्या घटनास्थळी आग विजवण्यासाठी आल्या होत्या. आगीचे कारण अजूनही अस्पष्ट आहे. दरम्यान आग आटोक्यात आली असून कुलिंगचे काम सुरु आहे.
डोंबिवलीतील एमआयडीसीतील कंपनीत भीषण स्फोट
गेल्या २३ मे रोजी डोंबिवलीच्या औद्योगिक विकास महामंडळ (MIDC) फेज-२ मधील अमुदान केमिकल कंपनीत भीषण स्फोट झाला होता. या दुर्घटनेत १६ जणांचा दुर्दैवी मृत्यू झाला होता. तर ६४ हून अधिक जण जखमी झाले होते. कंपनीत बॉयलरचा स्फोट झाल्याने कंपनीत भीषण आग लागली होती, यामुळे आसपासच्या कंपन्यांमध्येही ही आग पसरली. हा स्फोट इतका जोरदार होता की ५ किमीपर्यंत याचा आवाज ऐकू गेला. परिसरातील अनेक इमारतींच्या खिडकीच्या काचाही फुटल्या.
