परतुरात साई मंदिर जवळील रस्त्यावर अतिक्रमणाचा प्रयत्न !
पोलिसांची कारवाईने
दोन समाजात तेढ निर्माण करण्याचा प्रयत्न फसला
प्रतिनिधी
येथील साईबाबा मंदिर साठी जाणाऱ्या रस्त्यावरच अतिक्रमण करण्याचा काही समाजकंटकांनी प्रयत्न केला सदरील ठिकाणी पालिकेचा रस्ता असून या रस्त्याचीच जागा परस्पर इसार पावतीने विकत घेतल्याचा दावा करीत काही लोकांनी या ठिकाणी अतिक्रमण करण्याचा प्रयत्न केला असता हिंदू समाजातील काही सामाजिक कार्यकर्ते व साई भक्तांनी याचा विरोध केला व सदरील रस्त्यावर ताबा करण्याचा प्रयत्न निष्फळ केला. शहरात दोन समाजात सौख्याचे वातावरण असताना अशा घटनेकडे पोलिसांनी गांभीर्याने लक्ष देणे गरजेचे आहे. या बाबीवरून दोन समाजामध्ये संघर्ष होण्याची शक्यता आहे.
साई मंदिर येथेच पुरातन श्री गणपती मंदिर व बाल हनुमान मंदिर आहे या मंदिराला जाण्यासाठी हा रस्ता असून सदरील जमिनीची मालकी ही मंदिराचीच असताना अतिक्रमणकर्त्यांनी कोणतेही रजिस्ट्रीचे अथवा मालकीचे कागदपत्र नसताना या ठिकाणी रस्त्याची जागा विकली असल्याने शहरातील हिंदू बांधवांमध्ये संतप्त प्रतिक्रिया व्यक्त होत होत्या. शहरासह ग्रामीण भागातील हिंदू समाजातील भक्तांनी एकत्रित येऊन अतिक्रमणकर्त्यांचे मनसुबे उधळले.
पोलिसांची कारवाई सदरील देवस्थानच्या शेजारी भर रस्त्यावर अतिक्रमण होत असल्याची तक्रार मिळताच दोन समाजात तेढ निर्माण होऊ नये या साठी पोलीस निरीक्षक सुरवसे यांनी पोलीस फौजफाटासह त्या स्थळी पोहचून अतिक्रमण हटवले. या प्रकरणी गुन्हा दाखल करण्यात आला आहे.
सदरील श्री साईबाबा मंदिर विश्वस्त मंडळ तात्काळ बरखास्त करून सदरील मंदिर व मंदिराची जागा शासनाच्या ताब्यात देण्यात यावी अशा प्रकारची मागणी शहरातील व ग्रामीण भागातील हिंदू बांधवांमध्ये मागणी होत आहे याबाबत पोलिसांनी दोन्ही समाजामध्ये तेढ निर्माण होऊ नये यासाठी जातीने लक्ष देण्याची अत्यंत आवश्यकता आहे.
आमदार बबनराव लोणीकर
मी याबाबत उपविभागीय पोलीस अधिकारी श्री चौरे व पोलीस निरीक्षक मच्छिंद्र सुरवसे यांना याबाबत तात्काळ कारवाई करण्याबाबत सूचना दिल्या. शहरात देवस्थान शासकीय जमिनी व हिंदूंच्या मालमत्तेवर खोट्या कागदपत्रांच्या आधारे जमिनी बळकावण्याचे प्रमाण वाढलेले असून यावर तात्काळ जरब बसणे गरजेचे असल्याचे आमदार लोणीकर यांनी सांगितले. पोलीस प्रशासनाने याबाबत कडक कारवाई करावी अशा सूचना दिलेल्या आहेत.
राहुल लोणीकर
परतूर शहरात साईबाबा मंदिर हे अत्यंत पुरातन असून शहरांमध्ये दोन समाजामध्ये ते निर्माण होईल अशा प्रकारचे कृत्य यापुढे होऊ नये यासाठी प्रशासनाने तात्काळ कार्यवाही करावी. हिंदू देवस्थानच्या जागा बळकवण्याचे प्रकार कदापि सहन करणार नाही.
सुरेशकुमार जेथलिया
परतुर शहरात साई मंदिर हे गेल्या 50 ते 60 वर्षापासून असून मंदिराचे ट्रस्टचे ही जागा आहे विश्वस्तांच्या संमतीने पालिकेचा सदरील ठिकाणी गेल्या वीस ते पंचवीस वर्षापासून रस्ता असून या ठिकाणी खडीकरनही झालेले असून, सिमेंटिकरन होणार आहे, असे असताना मंदिराच्या शेजारीच व भर रस्त्यावर अशा प्रकारचे अतिक्रमण करणे अत्यंत चुकीचे असून निंदनीय आहे याबाबत प्रशासनाने योग्य ती दखल घ्यावी.
बद्रीभाऊ ढवळे
परतूर शहरातील दैवत असलेल्या साई मंदिराशेजारी काही समाजकंटकांनी पालिकेच्या रस्त्यावरच अतिक्रमण करण्याचा प्रयत्न केला कोणतेही मालकीचे कागदपत्र नसताना परस्पर कोणतेही जागा खोट्या इसार पावतीने ताबा करणे हा एक प्रकारचा जमीन जिहाद असून शासनाने याबाबत तात्काळ लक्ष घालून अशा समाजकंटकावर तात्काळ कारवाई करावी.
सदरील प्रकाराने संपूर्ण शहरात व ग्रामीण भागातील भक्तगणात व हिंदू समाजात तीव्र भावना व्यक्त केली जात आहे.