कृष्णाबाई विद्या मंदिर बळेगाव शाळेच्या विद्यार्थाचा अपघात ; एक ठार दोन गंभीर जखमी .
* हातणी ते बळेगाव शाळेकडे जाताना झाला अपघात .
* * हरीण ॲटो ड्रायव्हर च्या कॅबीन घुसल्याने घटना घडली .
* ॲटोमध्ये १२ विद्यार्थी होते
—————————— उमरी ( प्रतिनिधी ) उमरी तालुक्यातील मौजे हातणी येथिल एकाच गावचे विद्यार्थी बळेगाव येथिल शाळेला जाताना चालत्या ॲपे ऑटो मध्ये हरिण झेप घेतल्याने ॲटो पलटी होऊन विद्यार्थाच्या अंगावर पडल्याने एक विद्यार्थी जागीच ठार झाला इतर दोन विद्यार्थी गंभीर जखंमी असल्याने नांदेड येथे पुढील उपचारासाठी पाठविण्यात आले आहे सदरची घटना दि १८ जुलै २०२४ रोजी सकाळी ९:३० वाजता च्या दरम्यान घडली आहे .
या बाबत मिळालेली माहिती अशी की उमरी तालुक्यात बळेगाव येथे कृष्णाबाई विद्या मंदिर माध्यमिक शाळा आहे या शाळेत हातणी येथिल ॲटो क्र एम एच २६ ए सी १२८७ या ॲपे ऑटोने दररोज विद्यार्थी शाळेला ये – जा करीत होते एकूण १२ विद्यार्थाचा प्रवास होता नेहमी प्रमाणेच हा ॲटो हातणी ते बळेगाव शाळेकडे दि १८ जुलै रोजी सकाळी ९:३० वाजता जातांना अचानक हरिण ऊसाच्या फडातुन धावत आले आणि धावत्या ॲटो च्या कॅबिन मध्ये घुसल्याने ॲटो पलटी होऊन ऊसळलेल्या विद्यार्थाच्या अंगावर पडल्याने या अपघातात बारा विद्यार्थी पैकी गणेश गोंविद निलेवाड वय १३ वर्ग ७वा यांच्या जागीच मुत्यू झाला आहे तर त्या पैकी विनायक माधव मोगल वर्ग ६वा , कु साक्षी सयाजी निलेवाड वर्ग ९ वा हे जंभीर जखमी झाले आहेत त्यामुळे ॲम्ब्युलन्स ने त्यांना पुढील उपचारासाठी नांदेडला सकाळीच रवाना करण्यात आले आहे . विनायक माधव मोगल या विद्यार्थाची तब्बेत चितांजनक असल्याचे कळते बाकी सर्व उर्वरित ॲटो अपघातातील विद्यार्थाना किरकोळ मार लागल्याने त्यांना प्रथम उपचार करून घरी पाठविण्यात आले आहे .
या घटने बदल गोळेगाव शाळेत हातणी परिसरात शोक कळा पसरली असून गणेश गोविंद निलेवाड या विद्यार्थी बदल गावात हळहळ व्यक्त होत आहे या घटनेचा पुढील तपास डी वाय एस पी प्रशांत संपते यांच्या मार्गदर्शनाखाली उमरी पोलिस निरीक्षक अंकुश माने हे करीत आहेत .
