शासकीय यंत्रणेतील 250 कर्मचारी संगणकावर मुख्यमंत्री माझी लाडकी बहीण योजनेचे फॉर्म भरून घेणार – आमदार लोणीकर
==============
परतूर / प्रतिनिधी
परतुर तालुक्यातील कुणीही महिला मुख्यमंत्री लाडकी बहीण योजनेच्या लाभापासून वंचित राहू नये याकरिता 19 जुलै 2024 रोजी गजानन मंगल कार्यालय परतूर येथे सकाळी 11 वाजता परतुर तालुक्यातील महिलांना मुख्यमंत्री लाडकी बहीण योजनेच्या जनजागृती करिता भव्य महिला मेळाव्याचे आयोजन करण्यात आले असून परतुर तालुक्यातील या महिला मेळाव्या करिता परतुर तालुक्यातील सर्व लाभार्थी महिलांनी आप आपले फॉर्म भरण्यासाठी आधार कार्ड, मतदान कार्ड, बँक खात्याचे पासबुक, पॅन कार्ड, रेशन कार्ड, पासपोर्ट फोटो इत्यादी कागदपत्र स्वतः उपस्थित राहून ऑनलाईन फॉर्म भरून द्यावे. 19 जुलै 2024 रोजी गजानन मंगल कार्यालय परतूर येथे सकाळी 11 वाजता ऑनलाईन फॉर्म भरण्यासाठी दोनशे पन्नास संगणक या ठिकाणी उपलब्ध होणार असून यात परतूर तालुक्यातील सर्व शासकीय यंत्रणा हे ऑनलाईन फॉर्म भरून घेणार असल्याची माहिती महाराष्ट्र राज्याचे माजी मंत्री तथा परतुर विधानसभा मतदारसंघाचे विद्यमान आमदार बबनराव लोणीकर यांनी दिली.
परतूर तालुक्यामध्ये मुख्यमंत्री माझी लाडकी बहीण या योजनेच्या प्रभावी अमलबजावणीबाबत प्रशिक्षण व आढावा बैठक मा. श्री. बबनरावजी लोणीकर साहेब, आमदार परतूर विधानसभा मतदारसंघ यांच्या अध्यक्षतेखाली दि.19/07/2024 रोजी घेण्यात येणा-या कार्यक्रमाच्या पुर्व तयारी व नियोजनासाठी दिनांक. 16 जुलै 2024 रोजी सकाळी 10.00 वाजता तहसिल कार्यालय, परतुर सभागृहात आढावा बैठक आयोजित केली. आणी दुपारी दोन वाजता स्नेह निवास सन्मित्र कॉलनी येथील भारतीय जनता पक्षाच्या कार्यालयातील सभागृहात परतुर तालुक्यातील भारतीय जनता पक्षाचे सर्व नेते पदाधिकारी व कार्यकर्त्यांसह बूथप्रमुखांच्या बैठकीचे आयोजन करण्यात आले होते.
या बैठकित मार्गदर्शन करताना ते बोलत होते. मुख्यमंत्री माझी लाडकी बहीण योजनेसाठी नाव नोंदणी, अर्ज करणे आदी कामांसाठी होणारी गर्दी लक्षात घेऊन अर्ज करण्याची मुदत ३१ ऑगस्ट २०२४ पर्यंत वाढविण्याबाबत मुख्यमंत्र्यांनी निर्देश दिले. ३१ ऑगस्टपर्यंत अर्ज करणाऱ्या महिलांना १ जुलैपासून लाभ देण्यात येईल असा महत्वपूर्ण निर्णय मी स्वतः महाराष्ट्र राज्याचे मुख्यमंत्री एकनाथराव शिंदे उपमुख्यमंत्री देवेंद्रजी फडणवीस उपमुख्यमंत्री अजितदादा पवार यांना पावसाळी अधिवेशन काळात मुंबई येथे विधानभवनात भेटून पत्र देऊन आग्रही मागणी केल्याने राज्य सरकार च्या वतीने घेण्यात आला
असल्याची माहिती ही या वेळी महाराष्ट्र राज्याचे माजी मंत्री तथा परतुर विधानसभा मतदारसंघाचे विद्यमान आमदार बबनराव लोणीकर यांनी यावेळी दिली. पुढे बोलताना आमदार बबनराव लोणीकर म्हणाले की, अर्ज करण्यासाठी मुदतवाढ देतानाच योजनेसाठी ०५ एकर शेतीची अट वगळण्याचा, लाभार्थी महिलांचा वयोगट २१ ते ६० वर्ष वयोगट ऐवजी २१ ते ६५ वर्ष वयोगट करण्याचा, परराज्यात जन्म झालेल्या महिलांनी महाराष्ट्रातील आधिवास असणाऱ्या पुरुषाबरोबर विवाह केला असेल तर अशा बाबतीत त्यांच्या पतीचा जन्म दाखला, शाळा सोडल्याचे प्रमाणपत्र, आधिवास प्रमाणपत्र ग्राहय धरण्यात येईल, असा निर्णय यावेळी घेण्यात आला.
अडीच लाख रुपये उत्पन्न दाखला उपलब्ध नसेल तर ज्या कुटुंबाकडे पिवळे व केशरी रेशनकार्ड उपलब्ध असेल त्यांना उत्पन्नाच्या दाखला प्रमाणपत्रातून सुट देण्याचा निर्णय या बैठकीत घेण्यात आला. या योजनेत कुटुंबातील एका पात्र अविवाहित महिलेला सुध्दा या योजनेचा लाभ देण्यात येणार असल्यामुळे परतूर तालुक्यातील सर्व महिलांनी 19 जुलै 2024 रोजी शुक्रवारी गजानन मंगल कार्यालय परतूर येथे उपस्थित राहण्याचे आवाहन महाराष्ट्र राज्याचे माजी मंत्री, परतूर विधानसभा मतदारसंघाचे विद्यमान आमदार बबनराव लोणीकर यांनी केले आहे.
भाजपा कार्यालय सन्मित्र कॉलनी परतूर येथील सरपंचाच्या प्रशिक्षण आढावा बैठकिस भाजपा युवा मोर्चा चे प्रदेश अध्यक्ष राहुल लोणीकर, सुजित जोगस, अशोकराव बरकूले, रमेश भापकर, शत्रूघन कणसे, संपत टकले, सुदाम प्रधान, संभाजी वारे, प्रदीप ढवळे, मधुकर घनवट, प्रवीण सातोंनकर, पिंटूकाका ढवळे, शहाजी राक्षे, रंगनाथ येवले, रवी सोळुंके, दिगंबर मुजमुले, गजानन लोणीकर, शिवाजी पाईकराव, सिद्धेश्वर केकाण, अर्जुन राठोड, ओमशेट मोर, नंदकुमार गांजे, बंडू मानवतकर, प्रकाश दीक्षित, पदमाकर कवडे. कृष्णा अरगडे. मधुकर मोरे, जिजाभाऊ शिंदे. महादेव वाघमारे,
भगवान आरडे दादाभाऊ तौर, मेराज खतीब, सूर्यभान कदम. विक्रम उफाड, माऊली सोळंके, जीवन रेंगडे, नदीम शेख, सिद्धेश्वर लहाने, विष्णू बरकुले, संदीप तनपुरे, महादेव जनकवार, बबलू सातपुते. सीताराम राठोड, रमेश चव्हाण, बाजीराव कातारे, सुरेश जगताप, ओम मूळे, सुभाषराव अवचार, रमेश राठोड, निर्धास् राठोड यांच्या सह हजारो भाजपा कार्यकर्ते उपस्थित होते. तर तहसील कार्यालय परतूर येथे आयोजित तालुका स्तरीय आढवा बैठकिस जालना जिल्हा परिषद चे उप मुख्य कार्यकारी अधिकारी चव्हाण, महिला व बाल कल्याण अधिकारी कोरे, तहसीलदार प्रतिभा गोरे,
परतूर पंचायत समिती चे गट विकास अधिकारी बोकनवार, प्रशांत रोहनकर, गट शिक्षण अधिकारी यांच्या सह परतूर तालुक्यातील शासकीय यंत्रनेचे सर्व विभागाचे अधिकारी, तालुक्यातील सर्व ग्रामसेवक, ग्रामसेवक संघटनेचे सर्व पदाधिकारी, तलाठी, मंडळ अधिकारी, कृषी सहाय्यक, अंगणवाडी शिक्षिका मदतनीस, महिला बचत गटाच्या प्रतिनिधी परतूर तालुक्यातील सर्व ग्रामपंचायत चे संगणक चालक उपस्थित होते.