हिंदुस्थान समाचार / अरुण जोशी / सुधांशू जोशी
अमरावती, 15 जुलै (हिं.स.)
भाजपा केंद्रात पुन्हा सत्तेत येताच भारतीय संविधान बदलणार या महाविकास आघाडीच्या खोट्या प्रचारानंतर आता राज्यात महायुती सरकारने सुरू केलेल्या महत्वाकांक्षी मुख्यमंत्री लाडकी बहिण योजनेचा अपप्रचार करून यात अडथळे आणण्याचा आणि बदनाम करण्याचा कुटील डाव महाविकास आघाडीने आखला व असल्याचा आरोप भाजपचे महाराष्ट्र प्रदेश प्रवक्ते शिवराय कुळकर्णी यांनी केला आहे.
मुख्यमंत्री एकनाथ शिदे, उपमुख्यमंत्री देवेंद्र फडणवीस आणि अजीत पवार यांच्या नेतृत्वात महायुती सरकारने सुरू केलेल्या लाडकी बहीण योजनेला राज्याच्या सर्वच भागात अभूतपूर्व प्रतिसाद मिळतो आहे. राज्यभर या योजनेचे अफाट स्वागत झाले. या योजनेने महाविकास आघाडीची झोप उडाली असून आता ही योजना बदनाम करण्याच्या कामी महाविकास आघाडीचे कार्यकर्ते लागले आहेत. मविआच्या नेत्यांनी ठिकठिकाणी आपल्या लोकांकडून तसे प्रयत्न सुरू केले आहेत.
महाविकास आघाडीने विधीमंडळात या योजनेला कसून विरोध केला. ही योजना जाहीर केली तेव्हा मविआच्या नेत्यांच्या अंगाचा तिळपापड झाला होता. तिकडे विरोध करत असतानाच मविआच्या कार्यकत्यांनी आपापल्या नेत्यांचे फोटो छापून लोकांना पत्रके वाटणे सुरू केले. जणू काही ही योजना आपणच आणली या अविर्भावात काही कार्यकर्त्यांनी फॉर्म वाटप सुरू केले. मात्र, ज्या भगिनी आपले फॉर्म किवा कागदपत्रे मविआच्या कार्यकर्त्यांकडे देतील त्यांचे अर्जच चुकीचे भरण्याचा कुटील डाव काँग्रेस, उबाठा आणि शरद पवार गटाने आखला आहे. जेणे करून असंख्य महिला लाभापासून वंचित राहतील आणि नंतर मविआला महायुतीच्या नावे बोंब ठोकता येईल, असे जनविरोधी कारस्थान मविआच्या अनेकांनी सर्वत्र सुरू केले आहे.
काही ठिकाणी अशिक्षित आणि भोळ्या भाबड्या महिलांकडून अर्ज भरून घेण्याचे पैसे आकारणारे दलाल देखील महाविकास आघाडीच्या नेत्यांच्या आशीर्वादानेचदलाल देखील महाविकास आघाडीच्या नेत्यांच्या आशीर्वादानेच सक्रिय झाले आहेत. या योजनेत अर्जाची पूर्तता करण्यासाठी अतिशय सुलभ कार्यपद्धती महायुती सरकारने घोषित केलेली असताना महाविकास आघाडीच्या दलालांच्या नादी लागून महिला भगिनींनी आपले नुकसान करून घेऊ नये अशा शब्दात शिवराय कुळकर्णी यांनी लाभार्थ्यांना सूचित केले आहे. कोण्याही दलालाला एक रुपयाही न देता महायुती सरकारने सुरू केलेल्या केंद्रांवर किवा या योजनेच्या मोबाईल अॅपवरच अर्ज भरण्याच्या सूचना शिवराय कुळकर्णी यांनी केली आहे. या योजनेचा लाभ सर्वांना मिळावा, यासाठी भाजपासह महायुतीचे कार्यकर्ते लोकांना मदत करत आहेत. महाविकास आघाडीच्या दलालांनी आपला धंदा बंदनकेल्यास त्यांना भाजपा कार्यकर्ते चोप दिल्याशिवाय स्वस्थ बसणार नाही, असा इशारा देखील शिवराय कुळकर्णी यांनी दिला आहे.
