एमएस-विंडो ब्ल्यू स्क्रिन-एरर प्रकरणी पुढे आली माहिती नवी दिल्ली, 20 जुलै (हिं.स.) : मायक्रोसॉफ्टच्या सर्व्हरमध्ये तांत्रिक बिघाड झाल्याने काल जगभरात बँकांपासून विमान वाहतुकीपर्यंतच्या सेवा ठप्प झाल्या होत्या. जगभरामध्ये विंडो सिस्टिमवर ब्ल्यू स्क्रिनचा एरर दिसत होता. क्राउडस्ट्राईकने बनवलेल्या अँटीव्हायरस अपडेटमधील त्रुटीमुळे अँटीव्हायरसच व्हायरस बनला आणि भारसासह जगभरातील विमान वाहतूक, बँकिंग, आयटी आणि शेअर मार्केटचे सर्व्हर ठप्प पडल्याची माहिती पुढे आलीय.
जागतिक सायबर सुरक्षा फर्म क्राउडस्ट्राईकच्या सॉफ्टवेअरमध्ये तांत्रिक समस्येमुळे, सर्व्हर ठप्प झाले आणि अभियंते पुन्हा सुरू करण्यासाठी काम करत आहेत. क्राउडस्ट्राईकचे काम विंडोज डिव्हाइसेस आणि इतर क्लायंटसाठी अँटीव्हायरस सॉफ्टवेअर देणे आहे. या कंपनीने जारी केलेल्या अँटीव्हायरस अपडेटमधील समस्येमुळे जगभरात गोंधळ उडाला आहे. म्हणजेच कंपनीचा अँटीव्हायरसच व्हायरस बनला आहे. कंपनीने अँटीव्हायरस अपडेट देण्यापूर्वी त्याची योग्य चाचणी केली नाही. सर्व्हर
डाउन झाल्यानंतर कंपनीने चाचणी सुरू केली, तेव्हा कंपनीला एक बग सापडला, जर ही चाचणी योग्य प्रकारे केली असती, तर अँटीव्हायरसमध्ये बग सापडला नसता आणि तो रिलीजपूर्वी निश्चित केला असता. मात्र तसे न झाल्यामुळे जगभरातील नागरिकांना अडचणींचा सामना करावा लागला.सायबर हल्ले आणि व्हायरसपासून संरक्षण करण्यासाठी, विंडोज संगणकांमध्ये क्राउडस्ट्राइक नावाचे सॉफ्टवेअर वापरले जाते. अनेक मोठ्या कंपन्या या अँटी व्हायरसचा वापर त्यांच्या सिस्टीमच्या सुरक्षेसाठी करतात. अँटीव्हायरस अपडेटमुळे काही सिस्टीम थांबल्या आहेत तर काही रीस्टार्ट मेसेज दाखवत आहेत.
यामुळे आता कंपनीपुढे हे मोठे आव्हान आहे. रिमोट ऍक्सेसद्वारे ही समस्या सोडवणे हे मोठे आव्हान आहे आणि जर हे काम मॅन्युअली केले तर खूप वेळ लागू शकतो.सायबर हल्ल्यांपासून आणि व्हायरसपासून सिस्टमचे संरक्षण करण्यासाठी, आपण आपल्या सिस्टिमध्ये अँटीव्हायरस इन्स्टॉल करतो. पण यावेळी कळजी घ्यावी लागते. यात थर्ड-पार्टी साइट्स किंवा अज्ञात साइटवरून अँटीव्हायरस विनामूल्य डाउनलोड करुन इनस्टॉल करण्याची चूक करु नये. कारण असे केल्यास सिस्टममध्ये बग, व्हायरस, मालवेअर किंवा इतर समस्या येऊ शकतात.
