परतूर: केदार शर्मा
परतुर विधानसभा मतदारसंघात तब्बल 70.12% एवढे बंपर मतदान झाले आहे या या टक्केवारीने 2019 चे ही रेकॉर्ड तोडले आहे 2019 मध्ये 68% एवढे मतदान झालेले होते. मतदानाची वेळ संपल्यानंतरही मतदारांच्या मोठमोठ्या रांगा लागल्याने सायंकाळी साडेसात पर्यंत मतदान प्रक्रिया सुरू होती. विधानसभा क्षेत्रात तब्बल 323,136 मतदानापैकी दोन लक्ष 26 हजार 594 एवढे मतदान झालेले आहे झालेल्या मतदानात पुरुषांचे एक लाख 19 हजार 666 एवढे मतदान झाले तर महिलांचे एक लक्ष 6,928 एवढे मतदान झाले पुरुषांचे मताचे प्रमाण 71.25% तर महिलांचे मतदानाचे प्रमाण 68.90% एवढे राहिले परतुर विधानसभा मतदार संघात 70.12% एवढे मतदान झालेले आहे असे निवडणूक अधिकारी पद्माकर गायकवाड व सह अधिकारी सौ डॉ प्रतिभा गोरे मॅडम यांनी माहिती दिली या आकडेवारीने गत निवडणुकीची टक्केवारीचा रेकॉर्ड तोडलेला आहे. वाढलेल्या मतदानाने महायुती व अपक्ष उमेदवार जेथलिया यांच्या आशा उंचावलेल्या आहेत.
या निवडणुकीत महायुतीचे उमेदवार माजी मंत्री बबनराव लोणीकर, शिवसेना ठाकरे गटाचे ए जे बोराडे, काँग्रेसचे बंडखोर तथापक्ष उमेदवार माजी आमदार सुरेशकुमार जेथलिया यांच्यासह वंचितचे रामप्रसाद थोरात यांचे भवितव्य मतपेटीत बंद झालेले आहे. या निवडणुकीत तब्बल 11 उमेदवार निवडणूक मैदानात आहेत यात शिवसेना शिंदे गटाचे जिल्हाध्यक्ष मोहन अग्रवाल यांनीही बंडखोरी करून अपक्ष स्वरूपात निवडणूक लढविलेली आहे.
दिनांक 23 नोव्हेंबर शनिवार रोजी सकाळी आठ वाजल्यापासून परतुर आंबा येथील नवोदय विद्यालय येथे मत गणना सुरू होणार आहे. सकाळी नऊ वाजल्यापासून निवडणुकीच्या निकालाचा कल हाती येतील तर दुपारपर्यंत निकाल हाती लागेल अशी अपेक्षा केली जात आहे. सदरील निवडणूक अतिशय अटीतटीची झालेली असून महाविकास आघाडीच्या मतांमध्ये विभाजन झाल्याने लोणीकर यांच्या विजयाचे भाकीत राजकीय जाणकार लावीत आहेत त्याचप्रमाणे मतदार संघात अतिशय उस्फुर्तपणे प्रचारात असलेल्या ठाकरे गटाचे एजे बोराडे यांचे नाव सर्वात जास्त चर्चेत होते, तर शेवटच्या दोन दिवसात माजी आमदार जेथलिया यांनी मुसंडी मारत या निवडणुकीत आपली दावेदारी अधिक मजबूत केली आहे.
त्याचप्रमाणे तिसऱ्या आघाडी प्रमाणे वंचित बहुजन आघाडीचे रामप्रसाद थोरात यांनी ओबीसी व दलित मतांचा गठ्ठा करीत आपणच निवडून येणार असल्याचा दावा केला एकूण परतूरच्या निकालाकडे सर्व जिल्ह्याचे लक्ष लागलेले आहेत फोटो: परतुर येथील जि प प्रशाला व झाकीर हुसेन हायस्कूल येथे सायंकाळी सात पर्यंत मतदान झाले होते या दोन्ही शाळेत मोठ मोठ्या रांगा लागलेल्या होत्या.
