शिवसैनिक जिद्दीला पेटला तर विजय मिळाल्याशिवाय राहत नाही ….. (शिवसेना पक्षप्रमुख उद्धव ठाकरे यांनी व्हिडिओ कॉन्फरन्सद्वारे जिल्हाप्रमुख ए.जे. बोराडे व पदाधिकाऱ्यांशी साधला संवाद)…… मंठा/ प्रतिनिधी : मला अंध भक्त नकोय ; डोळे उघडे ठेवणारे मतदार पाहिजेत असे सांगून शिवसैनिक एकदा जिद्दीला पेटला तर विजय मिळाल्याशिवाय राहत नाही. असा विश्वास शिवसेना पक्षप्रमुख तथा माजी मुख्यमंत्री उद्धव ठाकरे यांनी व्यक्त केला. श्री ठाकरे यांनी आज मंगळवार ता. 23 रोजी राज्यातील सर्व जिल्हाप्रमुख आणि पदाधिकाऱ्यांसोबत व्हिडिओ कॉन्फरन्सिंगद्वारे संवाद साधला.
मंठा येथे शिवसेना मध्यवर्ती कार्यालयात जिल्हाप्रमुख तथा सभापती ए जे बोराडे, उपजिल्हाप्रमुख माधवराव कदम, परतुर विधानसभा समन्वयक अशोक आघाव, माजी सभापती संतोष वरकड, मंठा तालुकाप्रमुख अजय अवचार, परतुर तालुकाप्रमुख सुदर्शन सोळंके, शहरप्रमुख वैजनाथ बोराडे, तालुका संघटक तुळशीराम कोहीरे, शहर संघटक पप्पू दायमा यांची उपस्थिती होती. यावेळी पक्षप्रमुख उद्धव ठाकरे यांनी निवडणुकीमध्ये आपण पुढे आहोत अशा भ्रमात राहू नका. 25 जुलै ते नऊ ऑगस्ट या कालावधीत विधानसभेचे विजयाची मुहूर्तमेढ रोवली पाहिजे. अशा सूचना देऊन या कालावधीत जास्तीत जास्त मशाल चिन्हाचा प्रचार झाला पाहिजे तसेच नवीन मतदार नोंदणी दुबार मतदारांची नावे कमी करणे यासह मोठ्या प्रमाणावर शिवसेना सदस्य नोंदणी करावी असा आदेश दिला.
4 ऑगस्ट ते 11 ऑगस्ट हा भगवा सप्ताह राबविण्यासाठी सर्कलनिहाय कार्यक्रमाचे नियोजन करावे, या कालावधीमध्ये पंचायत समिती गणनिहाय बैठकीचे आयोजन करून जास्तीत जास्त सदस्य नोंदणी करण्याला प्राधान्य द्यावे असे आवाहन केले. मला अंध भक्त नकोय तर डोळे उघडे ठेवणारे मतदार व कार्यकर्ते पाहिजेत कारण शिवसैनिक जिद्दीला पेटला तर विधान परिषदेवर भगवा फडकल्याशिवाय राहणार नाही असा विश्वास व्यक्त केला.
