उमरी ( प्रतिनिधी )
सुप्रसिद्ध कीर्तनकार तथा भागवत कथाकार हभप नरसिंग महाराज पांचाळ केरुरकर यांना विश्वकर्मा सेवा संघ नांदेड यांच्या वतीने विश्वकर्मा समाजभूषण पुरस्कार जाहीर करण्यात आला असून नांदेड येथे होणाऱ्या एका कार्यक्रमात दिनांक १४ जुलै रोजी नांदेड येथील शंकरराव चव्हाण सभागृहात दुपारी बारा ते दोन वाजेपर्यंत सदरील पुरस्काराचे वितरण करण्यात येणार आहे.
ह भ प नरसिंग महाराज केरुरकर हे कीर्तन, रामकथा, शिवपुराण, श्रीमद् भागवत कथा ज्ञानयज्ञ सोहळ्याच्या माध्यमातून गेल्या अनेक वर्षापासून समाज प्रबोधनाचे कार्य करीत आहेत. सामाजिक आणि आध्यात्मिक क्षेत्रात त्यांचे उल्लेखनीय कार्य असून त्यांच्या या आध्यात्मिक कार्याची दखल घेऊन विश्वकर्मा सेवा संघ नांदेड यांच्या वतीने विश्वकर्मा समाज भूषण पुरस्कार त्यांना जाहीर करण्यात आला आहे.
अशी माहिती विश्वकर्मा सेवा संघाचे अध्यक्ष केशवराव राजदवार यांनी दिली आहे. दरम्यान याच कार्यक्रमात गुणवंत विद्यार्थ्यांचा सत्कार व समाज भूषण पुरस्कार सोहळ्याचे वितरण होणार आहे. ह भ प केरुळकर महाराजांना जाहीर करण्यात आलेल्या विश्वकर्मा समाजभूषण पुरस्काराबद्दल सर्वत्र अभिनंदन केल्या जात आहे.