तभा वृत्तसेवा येरमाळा (सुधीर लोमटे ) – लाडकी बहीण योजनेचे पैसे मिळण्यासाठी दोन महिने वाट पाहावी लागणार असली तरी सद्ध्या या योजने मुळे महा ई सेवा,आधार केंद्र,सेतू सुविधा केंद्रावर मात्र महिलांची तोबा गर्दी दिसत आहे.या योजनेला लागणारे आधार अपडेट साठी शनिवारी (ता.१०) भल्या पाहटे पासुन पोस्ट ऑफिस च्या समोर महिलांनी गर्दी केली होती.
लाडकी बहीण सन्मान योजनेच्या लाभासाठी कागद पत्र दाखल करण्याची करण्याची १५ ऑगस्ट ही डेडलाईन असल्याने ऑनलाईन सर्व्हिस देणाऱ्या सर्वच केंद्रावर महिलांची गर्दी वाढली आहे. शासनाने कमीत कमी कागदपत्र वारंवार घोषित करुनही लोकांना लाडकी बहीण योजनेचे अर्ज दाखल करण्यासाठी अनेक अडचणी येत असून त्या अडचणी प्रमाणे महिलांची ऑनलाइन सेंटरवर गर्दी दिसत आहे.
येरमाळा पोस्ट ऑफिस मध्ये आधार अपडेट करण्याची सुविधा असल्याने शनिवारी आधार अपडेट साठी महिलांनी पहाटेपासूनच गर्दी केलेली दिसली.साडेआठ वाजता पोस्ट ऑफिस उघडल्यावर रस्त्यापर्यंत जमलेली गर्दी कमी झाली. काही लोकांनी योजनेचे फॉर्म मोबाईल वरूनच ऑनलाइन फॉर्म दाखल केली असून फॉर्म भरत असताना येणाऱ्या त्रुटी आणि कागदपत्रातील त्रुटी यामुळे अर्ज रद्द होण्याची शक्यता असल्याची चर्चा वाढल्याने विविध सेवा केंद्रावर महिलांची गर्दी वाढल्याचे चित्र आहे.
चौकट.. या करणानाने होतील अर्ज रद्द.
जॉईंट अकाऊंट चालत नसणे,
हमीपत्र वर खाडा खोड चालत नसणे,बँकेत नवीन अकाऊंट ओपेन केले आहे पण आधार बँक लिंक नसणे,आधार आणि बँक लिंक नसणे,डॉक्युमेंट स्पष्ट दिसत नसणे,रेशनकार्ड नीट दिसत नसणे,आधार,रेशनकार्ड पत्ता वेगळा असणे,आधारची माघची,पुडची बाजू न जोडने,आधार वर पूर्ण जन्म तारीख नसणे,फॉर्म मराठी मध्ये भरणे,आधार वरचे नाव,पासबूकचे नाव चुकीचे असणे,रेशनकार्ड मध्ये नाव आधार कार्ड बँक खात्याला मोबाइल लिंक नसणे,मतदान कार्डचे रेशन कार्ड आधार कार्ड सारखे नसणे,आधारला असलेले बँक लिंक खात्याचे पासबूक अपलोड करणे असे अनेक मुद्दे चर्चेत असल्याने महिलांमध्ये संभ्रम अवस्था आहे.
कोट…….फॉर्म रिजेक्ट झाले त्यांना एसएमएस,येतो आत्ता पर्यंत तीस हजार अर्ज प्राप्त झाले असुन नऊशे अर्ज दुरुस्तीचे मॅसेज गेले असुन दहा हजार अर्ज दहा दिवसांपासून सर्व्हर डाऊन असल्याने पेंडिंग आहेत. या योजनेत कोणीच वंचित राहणार नसून घाई करु नये.सर्व्हर सुरु झाले की अर्ज अपलोड करण्याच्या कामाला गती येईल.
रावसाहेब चकोर.
गटविकास अधिकारी कळंब.
