काल दिनांक 14 एप्रिल 23 रोजी टेम्भुर्णी नाळे वस्ती नजीक लोकवस्ती पासून थोड्याशा अलिप्त अशा एका बंगल्यामध्ये घटना घडल्याची माहिती पोलिसांना मिळाली असता टेम्भुर्णी पोलीस स्टेशन मधील पोलीस उपनिरीक्षक काशीद व त्यांची टीम घटनास्थळी दाखला होऊन बंगल्याचा ताबा घेतला. त्यांच वेळी पत्रकारांना देखील ही माहिती मिळताच पत्रकारांनी घटनास्थळी धाव घेतली.
पोलिसांनी चौकशीच्या नावाखाली दोन पोलीस बाहेर तैनात करून PSI काशीद व पोलीस कर्मचारी गुटाळ आतून दरवाजा बंद करून चौकशी करत होते. पत्रकारांनी विचारणा केली असता त्यांना आत जाण्यास व योग्य ती माहिती सांगण्यास नकार दिला. पत्रकारांनी खिडकीतून पाहण्याचा प्रयत्न केला असता आतून पोलिसांनी पडदे सरकवून खिडक्या देखील बंद केल्या व 5 ते 6 पत्रकार व सामाजिक कार्यकर्त्यांना सांगण्यात आले की कारवाई नक्की होणार आहे तुम्ही निश्चित रहा कारवाई झाल्यानंतरची प्रेसनोट देण्यात येईल ते ऐकून 3 पत्रकार तेथून तात्काळ निघून गेले व काही पत्रकार व सामाजिक कार्यकर्ते यांना संशय आला असता त्यांनी दुपारी एक वाजल्यापासून ते सायंकाळी 6 वाजेपर्यंत ठाण मांडले.
दरम्यान पोलिसांनी ताबा घेतल्यापासून बराच वेळ लेडी पोलीस उपस्तिथ नव्हत्या ही गोष्ट पत्रकारांनी पोलिसांच्या लक्षात आणून दिली तेव्हा बऱ्याच उशिराने 2 लेडी पोलीस घटनास्थळी आल्या. सुमारे दीड तास गुप्त चौकशीच्या नावाखाली वेळ मारून नेहण्यात आली.
सदर ठिकाणी बाहेर थांबलेल्या पत्रकारांनी तेथे जमलेल्या काही लोकांजवळ चौकशी केली असता त्या लोकांनी त्यांचे नातेवाईक गर्भतपासणी करण्यासाठी आत असल्याचे सांगितले. सदर बंगला एक राहते घर असून तेथे कोणतेही क्लीनिक अथवा तपासणी केंद्र नाही तरीही पोलिसांनी त्या नातेवाईकांची चौकशी केली नाही.
पत्रकार अनिल आरडे, श्रीकांत मासुळे, महावीर वजाळे यांनी आरोग्य अधिकारी यांना कॉल केला आहे का…? असे पोलिसांना विचारले मग PSI काशीद म्हणाले तुम्ही आम्हाला IB सारखे प्रश्न विचारू नका आमचे काम आम्हाला माहिती आहे तेव्हा पत्रकारांनीच आरोग्य अधिकारी डॉ.लाकाळ मॅडम यांना फोन करून सर्व हकीगत सांगितली व घटनास्थळाचे लोकेशन Whatsup द्वारे त्यांना पाठवले व बोलावण्यात आले.
आरोग्य अधिकारी डॉ.थोरात व डॉ.लाकाळ मॅडम यांच्या सह 4 जणांची टीम घटनास्थळी आली त्यावेळी डॉक्टरांनी PSI काशीद यांना तुम्ही आम्हाला सदर कारवाईची माहिती का दिली नाही असा जाब विचारला तब्बल 2 तास होऊन गेल्यानंतर पत्रकारांनी आम्हाला माहिती दिली खरं तर ही जबाबदारी पोलिसांची होती असे PSI काशीद यांना आरोग्य अधिकारी डॉ.थोरात यांनी सुनावले. याविषयावर पोलीस अधिकारी काशीद व आरोग्य अधिकारी यांच्यामध्ये बाचाबाची झाली यांचा व्हिडिओ देखील उपलब्ध आहे त्यानंतर 5:30 पर्यंत आरोग्य अधिकारी व त्यांच्या टीमने घटनास्थळाची तपासणी केली पण कारवाई कोणी करायची याबाबत दोन्ही खात्यातील अधिकाऱ्यामध्ये एकमत होत नव्हते.
आरोग्य अधिकाऱ्यांची टीम येण्या अगोदारच गर्भपात करण्याचे साहित्य व मेडिसिन संघनमताने गायब करण्यात आल्याचे तेथील नागरिकांमध्ये चर्चा होती.
सदर तपास नाट्यवरती अखेर पडदा म्हणून 3 गरोदर महिला व त्यांचे नातेवाईक व संशयित डॉक्टर अभिजित डोके व त्याची पत्नी व फलटण येथील डॉक्टर प्रवीण देशमुख यांना सोडून पोलीस व आरोग्य अधिकारी घटनास्थळा वरून निघून गेले व सुमारे 5 तास चाललेल्या तपास नाट्यवरती अखेर पडदा टाकला.
सायंकाळी पत्रकार टेम्भुर्णी पोलीस स्टेशन येथे कारवाईची प्रेसनोट मागण्यासाठी गेले असता PSI काशीद यांनी सांगितले की तपासा दरम्यान कोणतेही गर्भपाताचे साहित्य अथवा मेडिसिन मिळून आले नाही म्हणून त्यांना सोडून देण्यात आले.
म्हणून सदर घटनेबाबत काही प्रश्न उपस्तिथ होतात.
- -पोलीस व आरोग्य अधिकारी यांनी सुमारे 5 तास चौकशी कोणाची केली…?
- -डॉ अभिजित डोके व डॉ प्रवीण देशमुख व घरामध्ये उपस्तिथ गर्भवती महिला व त्या महिलांचे बाहेरील नातेवाईक यांची कोणती चौकशी करण्यात आली…?
- -पोलीस व आरोग्य अधिकारी यांची संयुक्त कारवाई असताना पोलिसांनी वैयक्तिक कारवाई का केली…?
- -हॉस्पिटल नसताना सुनसान बंगल्यात संशयित डॉक्टर व गर्भवती महिला काय करत होत्या…?
- -गर्भतपासणी साठी आलेल्या गरोदर महिलांना PSI काशीद यांनी पोलीस स्टेशनमध्ये का बोलावले नाही…?
- -डॉ.अभिजित डोके व प्रवीण देशमुख यांना PSI काशीद यांनी पोलीस स्टेशनमध्ये चौकशीसाठी का आणले नाही…?
- -तब्बल दीड-तास दारे खिडक्या बंद करून PSI काशीद डॉ.अभिजित डोके व डॉ.प्रवीण देशमुख सोबत काय तडजोड करत होते…?
- -PSI काशीद यांनी आरोग्य अधिकारी यांनी घटनास्थळी का बोलावले नाही…?
- सदर घटनेबाबत असे अनेक प्रश्न टेम्भुर्णी व भागातील सर्वसामान्य नागरिकांमध्ये उपस्तिथ होत आहेत.
