‘डिलिव्हरी बॉय’ जो शून्य पगार असूनही दररोज कमवतो १ कोटी रुपये…..

दीपंदर गोयल हे झोमॅटोचे संस्थापक आणि CEO आहेत. यश मिळविण्यासाठी त्याने आपल्या जीवनातील अनेक वैयक्तिक आणि व्यावसायिक अडथळ्यांवर मात केल्याने त्याच्या प्रवासाची कहाणी अनेकांसही प्रेरणादायी आहे. १४ वर्षांपूर्वी २००८ यामध्ये सुरू करण्यात आलेली त्याची कंपनी सध्या नुकसानीत असली तरी ती लवकरच नफा मिळवण्याची अपेक्षा आहे. गोयलने आत्तापर्यंत शेफकार्ट आणि अनॅकॅडमी यासारख्या १६ स्टार्टअपमध्ये गुंतवणूक केली असून त्याच्या एकूण संपत्तीने १ अब्ज डॉलरचा टप्पा ओलांडला आहे.

७०० कोटींचे दान
करोना काळात त्यांच्या डिलिव्हरी पार्टनर्सच्या शिक्षणासाठी निधी देण्यासाठी ७०० कोटी रुपयांचा स्टॉक दान करत दीपंदर गोयल चर्चेत आला होता. पंजाबमधील मुक्तसर जिल्ह्यात जन्मलेला दीपिंदर अभ्यासात ठीकठाक होता. ८वीत त्याला परीक्षा पर्यवेक्षकाकडून मदत मिळाली. तो नापास होणार होता, पण त्याला तिसरा क्रमांक मिळाला. हा त्याच्या आयुष्यातील टर्निंग पॉईंट ठरला. या घटनेने त्याचे आयुष्य बदलले.

त्यानंतर, तो शाळेत चांगल्या मार्कांनी पास होत राहिला. त्याच्या कुटुंबीयांनी त्याला आयआयटीच्या तयारीसाठी चंदीगडला पाठवले. मात्र, तो इतका हुशार होण्यास तयार नव्हता, त्यामुळे तो घरी परतला. परंतु त्याने नंतर आयआयटी दिल्लीमध्ये प्रवेश मिळवला. आयआयटी दिल्लीचा माजी विद्यार्थी, गोयलने स्वतःची कंपनी सुरू करण्यापासून, आज क्रंचबेसनुसार, अनॅकॅडमी, मल्टीप्लायर, प्रिस्टिन केअर यासारख्या इतर अनेक कंपन्यांमधील एक गुंतवणूकदार आहे.

दीपिंदर गोयलचा पगार
एक संस्थापक आणि सीईओ म्हणून आपल्या दशकभराच्या प्रवासात गोयलए फक्त स्वतःसाठी नावच नाही तर प्रचंड पैसाही कमावला आहे. त्यांच्या फूड डिलिव्हरी कंपनीने ३१ मार्च २०२२ रोजी संपलेल्या सहामाहीसाठी पगार आणि कर्मचारी स्टॉक ऑप्शन्स (ESOP) सारख्या इतर फायद्यांसाठी तब्बल ७७८ कोटी रुपये खर्च केले.

गेल्या वर्षी जूनमध्ये BSE वर झोमॅटोच्या नियामक फाइलिंगनुसार गोयलने त्याच कालावधीत ३८७ कोटी रुपयांचे ESOPs वाटप केले होते. विशेष म्हणजे गोयल यांनी मे २०२२ मध्ये झोमॅटो फ्यूचर फाऊंडेशनला ७०० कोटी रुपयांचे ESOP दान करण्याचे वचन दिले होते. याव्यतिरिक्त, झोमॅटो सीईओने ३१ मार्च २०२२ रोजी संपलेल्या वर्षाचा पगार स्वेच्छेने सोडून दिला.

पगार नाही पण कोटींची कमाई, कसं?
२०२१ मध्ये झोमॅटो बाजारात सूचीबद्ध झाल्यानंतर गोयल यांची एकूण संपत्ती ६५० दशलक्ष डॉलर्स (५,३४५ कोटी रुपये) झाली असून त्या वेळी, त्यांनी झोमॅटोमध्ये ४.७% भागीदारी घेतली होती. सध्या ते कंपनीकडून कोणताही पगार घेत नसून त्यांनी ESOPs म्हणून ३५८ कोटी रुपयांची कमाई केली आहे. कंपनीचे मार्केट कॅप ६६ हजार ८७४ कोटी रुपये असून इंस्टाग्रामवर ते स्वत:चे डिलिव्हरी बॉय म्हणून वर्णन करतात. तसेच कंपनीचा प्रचार करण्यासाठी ते अनेकदा ग्राहकांना फूड डिलिव्हरी करतात.