भारतीय जनता पार्टी प्रदेशाध्यक्ष चंद्रशेखर बावनकुळे लोकसभा महाविजय अभियान अंतर्गत 25 सप्टेंबर रोजी नाशिक दौऱ्यावर येत आहेत, अशी माहिती भारतीय जनता पार्टीचे नाशिक महानगर अध्यक्ष प्रशांत जाधव यांनी दिली.
बावनकुळे लोकसभा विजय अभियानांतर्गत संपूर्ण महाराष्ट्राचा दौरा करत आहेत त्या अंतर्गत या दौऱ्याला विशेष महत्त्व असल्याचे शहराध्यक्ष प्रशांत जाधव यांनी सांगितले.
त्यांच्या नियोजित दौऱ्याची रूपरेषा पुढील प्रमाणे
दिनांक २५ सप्टेंबर २०२३ रोजी सकाळी साडेआठ वाजता सय्यद पिंपरी कडे रवाना. देवळाली मतदारसंघांतर्गत सय्यद पिंपरी येथे तनुजा घोलप यांचे संपर्क कार्यालयाचे उद्घाटन
सय्यद पिंपरी येथून साडेनऊ वाजता त्र्यंबकेश्वर कडे रवाना . साडेदहा वाजता त्र्यंबकेश्वर ज्योतिर्लिंगाचे दर्शन. सकाळी सव्वा अकरा वाजता त्र्यंबकेश्वर येथे तीन विधानसभा अंतर्गत तीनशे प्रमुख बूथ वारीअर्स यांची एकत्रितपणे बैठक . दुपारी साडेबारा वाजता घर चलो अभियानात सहभाग व सहभाग कार्यक्रमात नागरिकांशी सुसंवाद. दुपारी दोन वाजता नाशिक कडे प्रयान.
दुपारी अडीच वाजता माऊली लॉन्स डी जी पी नगर नगर नाशिक येथे कामगार मेळाव्यात कामगारांना संबोधित करणार.
दुपारी तीन वाजून पंचवीस मिनिटांनी प्रसाद मंगल कार्यालय गंगापूर रोड येथे तीन विधानसभेतील प्रत्येकी १०० याप्रमाणे ३०० बूथ वॉरियर्स च्या बैठकीला संबोधित करणार व लोकसभा महाविजय अभियानाच्या संकल्पना सादर करणार
सायंकाळी पाच वाजता सातपूर येथे आगमन व त्यानंतर घर घर चलो अभियानात सातपूर कॉलनी पोस्ट ऑफिस ते आनंदच्या सर्कल पर्यंत घर घर चलो अभियानांतर्गत नागरिकांशी सुसंवाद
सायंकाळी सहा वाजता पंचवटीकडे रवाना. सायंकाळी साडेसहा ते साडेसात दरम्यान नाशिक पूर्व विधानसभेतील परिसरातील प्रमुख व प्रभावी व्यक्तींची भेट. परिवारातील व्यक्तींची भेट व सुसंवाद. संध्याकाळी सव्वा सात वाजता सोयीनुसार धुळ्याकडे रवाना अशी माहिती प्रशांत जाधव यांनी दिली दरम्यान हा दौरा यशस्वी करण्यासाठी प्रशांत जाधव यांच्या सूचनेनुसार प्रदेश अध्यक्ष आमदार बावनकुळे यांचा दौरा प्रभावीपणे यशस्वी व्हावा त्यासाठी नाशिक पश्चिमच्या आमदार सीमा हिरे यांनी विधानसभेतील कार्यकर्त्यांची व पदाधिकाऱ्यांची हॉटेल अयोध्याच्या सभागृहात तर नाशिक मध्य च्या विधानसभा आमदार देवयानी ताई फरांदे यांनी मध्य विधानसभेच्या कार्यकर्त्यांची बैठक भाजप मुख्यालय वसंत स्मृती येथे घेतली तसेच नाशिक पूर्वचे आमदार राहुल ढिकले यांनी लक्ष्मी लॉन्स येथे कार्यकर्त्यांची बैठक घेतली व कार्यकर्त्यांना नियोजित कार्यक्रमाचे रूपरेषा समजावून सांगितले व नियोजित कार्यक्रम प्रभावीपणे राबवण्याचे आवाहन केले. तसेच त्र्यंबकेश्वर येथे नियोजित कार्यक्रम यशस्वीपणे राबवण्यासाठी जिल्हाध्यक्ष सुनील बच्छाव यांच्या मार्गदर्शनाखाली कार्यकर्त्यांची बैठक घेण्यात आली व त्रिंबकेश्वर येथील नियोजित कार्यक्रमाची सविस्तर माहिती देण्यात आली.
