व्यवसायात चढ-उतार हा एक अविभाज्य घटक असतो. काही जण समोर आलेल्या अडचणींवर मात करून विजय मिळवतात, तर काही निराशेने आपली पावले मागे घेतात. पुण्याच्या नेहा नारखेडेने यांनी अडचणींचा सामना करत त्यातून यशस्वी होऊन दाखवलं आहे. एका वर्षात ८६०० कोटी गमावल्यानंतरही खचल्या नाही पुन्हा उभ्या राहिल्या आहेत. भारतीय वंशाच्या नेहा नारखेडेने अमेरिकेत ७५ हजार कोटींची कंपनी स्थापन करून स्वत:ला सेल्फ मेड महिला उद्योगपती बनवले आहे.
कोण आहे नेहा नारखेडे?
स्ट्रीमिंग डेटा टेक्नॉलॉजी कंपनी कॉन्फ्लुएंटच्या सह-संस्थापक नेहा नारखेडे सध्या चर्चेत आहेत. नेहाची गणना अमेरिकेतील सर्वात यशस्वी महिला उद्योजकांमध्ये केली जाते. फोर्ब्सने नेहाला अमेरिकेतील सर्वात श्रीमंत सेल्फ मेड महिलांमध्ये स्थान दिले आहे. नेहाला हे यश सहजासहजी मिळालेले नाही. प्रदीर्घ संघर्ष आणि अनेक चढउतारानंतर त्यांनी हे स्थान मिळवले आहे. ही पहिलीच वेळ नाही याआधी २०२१ मध्ये नेहा या ८व्या श्रीमंत भारतीय महिला होत्या. या वर्षी त्यांच्या कंपनीचा IPO आला, त्यानंतर त्यांच्या नेटवर्थमध्ये प्रचंड वाढ झाली.
भारताशी नाते
नेहाचा जन्म भारतात झाला आहे. पुण्यात लहानाची मोठी झालेल्या नेहा यांनी अमेरिकेतील जॉर्जिया इन्स्टिट्यूट ऑफ टेक्नॉलॉजीमधून कॉम्प्युटर सायन्सचे शिक्षण घेतले. त्यांनी लिंक्डइन आणि ओरॅकलमध्ये काम केले, त्यानंतर त्यांनी यूएसमध्ये त्यांची कंपनी कॉन्फ्लुएंट सुरू केली. २०२१ मध्ये त्यांच्या कंपनीचा IPO आला आणि त्यांची एकूण संपत्ती १३,३८० कोटी रुपये झाली. त्यांना भारतातील ८व्या सर्वात श्रीमंत महिलेचा किताब मिळाला, परंतु २०२२ मध्ये त्यांच्या संपत्तीत मोठी घट झाली. २०२२ च्या हुरुन रिच लिस्टनुसार त्यांची संपत्ती ४७०० कोटींवर गेली. एका वर्षात त्यांचे सुमारे ८६०० कोटी रुपयांचे नुकसान झाले.
फोर्ब्सच्या मते, २०१९ मध्ये नेहा यांची एकूण संपत्ती ३६० दशलक्ष डॉलर्स होती. २०२० मध्ये ६०० कोटी, २०२१ मध्ये ९२५ कोटी. २०२२ मध्ये त्यांची संपत्ती ४९० दशलक्ष डॉलर्स इतकी कमी झाली. सध्या त्यांची एकूण संपत्ती ५२० दशलक्ष डॉलर्स म्हणजे सुमारे ४२६८ कोटी रुपये आहे.
