अर्शद वारसी पुन्हा लग्न करत असल्याचे वृत्त समोर येत आहे. हे लग्न दुसऱ्या तिसऱ्या कोणाशी नसून तो त्याची पत्नी मारिया गोरेटीशीच लग्न करत आहे. अर्शद आणि मारिया यांच्या लग्नाला जवळजवळ 25 वर्ष पूर्ण झाली आहेत. पण त्यांनी असं का केल? हे जाणून घेऊयात.
मुन्नाभाई मधील सर्कीट अर्शद वारसी पुन्हा एकदा चर्चेत आला आहे. लग्नाच्या 25 वर्षांनी अर्शद वारसीने पुन्हा एकदा त्याची पत्नी मारिया गोरेटीशी लग्न केले आहे. या जोडप्याने यावर्षी जानेवारी महिन्यात कोर्ट मॅरेज केले होते. यासोबतच दोघांनीही लग्नाची नोंदणी केली आहे. अर्शद आणि मारिया हे दोघही एकमेकांवर भरभरून प्रेम करतात. दोघांनी 14 फेब्रुवारी 1999 रोजी व्हॅलेंटाइन डेला लग्न केले. हे दोघं जवळपास 25 वर्षे एकत्र होते. पण या 25 वर्षांत त्यांनी लग्नांची नोंदणीच केली नाही. यावर्षी अर्शद वारसी आणि मारिया त्यांच्या लग्नाचा 25 वा वाढदिवस साजरा करणार आहेत.
लग्नाआधी अरशद आणि त्याची पत्नी मारिया गोरेटीने 8 वर्षे एकमेकांना डेट केल्यानंतर लग्न करण्याचा निर्णय घेतला होता. 90 च्या दशकात सुरू झालेल्या ओळखीचे रुपांतर मैत्रीत झाले आणि नंतर या मैत्रीचे रुपांतर प्रेमात झाले आणि दोघेही लग्नाचा विचार केला. टाईम्स ऑफ इंडियाशी बोलताना अर्शदने सांगितले की लग्नाचे रजिस्टेशन करणे ही गोष्ट त्याच्या मनात कधीच आली नाही पण जेव्हा विषय मालमत्तेचा आला तेव्हामात्र ही गोष्टी खूप महत्त्वाची वाटली. त्यामुळेच या दोघांनी हा निर्णय घेतला आहे.
अशी झाली पहिली भेट
अर्शद आणि मारिया यांची पहिली भेट एका टॅलेंट हंट शोमध्ये झाली होती. येथे अर्शद जज म्हणून आणि मारिया डान्स शोमध्ये स्पर्धक म्हणून सहभागी झाला होता. शो दरम्यान अर्शदला मारियाबद्दल भावना निर्माण झाल्या होत्या आणि एक मित्र म्हणून त्याने तिला आपल्या डान्स ग्रुपमध्ये सामील होण्याची ऑफर दिली होती.मात्र मारियाने तसे करण्यास नकार दिला. त्यानंतर एका कॉमन फ्रेंडच्या माध्यमातून ते तीन महिन्यांनी पुन्हा एकदा भेटले अन् त्यांचे आयुष्य बदलून गेले.
लग्नाची तारीख सांगायला अजिबात आवडत नाही
अर्शद वारसीने एका मुलाखतीदरम्यान सांगितले होते की मला माझ्या लग्नाची तारीख कोणाला सांगायला आवडत नाही. मला त्याचा तिरस्कार आहे. आज मारिया आणि मला याची लाज वाटते. बरं, ही तारीख आम्ही विचारपूर्वक निवडली नव्हती. दोघांनी मुस्लिम आणि ख्रिश्चन रितीरिवाजानुसार लग्न केले. सुरुवातीला मारियाच्या कुटुंबीयांना तिने चित्रपटसृष्टीशी निगडित व्यक्तीशी लग्न करावे असे वाटत नव्हते. पण अर्शदची आयुष्य जगण्याची पद्धत पाहिल्यानंतर त्यांनी त्यांचा दृष्टीकोन बदला.
मारियाने दिली साथ
अर्शदने 1996 मध्ये तेरे मेरे सपने या चित्रपटातून आपल्या अभिनय कारकिर्दीला सुरुवात केली. प्रेक्षकांना त्याचा अभिनय आवडला, परंतु हा चित्रपट बॉक्स ऑफिसवर फ्लॉप झाला. या काळात त्याला खूप संघर्ष करावा लागला. बराच काळ त्याला कोणतेही काम मिळाले नाही. त्याच्या आयुष्यात एक असा क्षण आला जेव्हा तो तीन वर्षे घरी बसून कामाच्या शोधात होता. या कठीण काळात त्यांची पत्नी मारिया हिने त्यांना साथ दिली आणि तीन वर्षे घरचा खर्च उचलला.
एकमेकांना सांभाळून घ्या
प्रेमाला सीमा नसते ही म्हण या सेलिब्रिटी जोडप्याला अगदी चपखल बसते. लहान वयातच आई-वडील वारल्यामुळे अर्शदला जास्त अभ्यास करता आला नाही. कॉस्मेटिक सेल्समन म्हणून त्याने आपल्या करिअरची सुरुवात केली पण त्याला नृत्याची आवड होती. मनोरंजक गोष्ट अशी आहे की त्याची पत्नी मारियाला देखील नृत्याची आवड होती आणि यामुळेच त्यांना एकत्र केले. या काळात त्याच्या पत्नीने त्याला खूप साथ दिली.
अहंकार दूर ठेवा
अहंकारामुळे अनेक नाती बिघडतात. अहंकारामुळे आपले हृदय आणि मन अनेक योग्य गोष्टीही समजण्यास नकार देतात. जर तुम्हाला तुमच्या जोडीदारासोबतचे नाते घट्ट करायचे असेल तर तुम्हाला तुमची अहंकाराची भावना मागे ठेवावी लागेल. तुमच्या काही चुकीमुळे तुमच्या जोडीदाराला राग आला तर ती चूक मान्य करण्याऐवजी. मग बघा तुमच्या जोडीदाराचा राग लगेच निघून जाईल.
स्वतःकडेही लक्ष द्या
जेव्हा जेव्हा नात्यात प्रश्न उपस्थित होतो तेव्हा आपल्या जोडीदाराच्या चुका सगळ्यात आधी आपले लक्ष वेधून घेतात. कोणालाच आपल्या चुकांबद्दल पटकन बोलायचे किंवा ऐकायचे नसते. जर तुमच्या जोडीदाराशी काही वाद होत असतील तर स्वतःला त्यांच्या जागी ठेवा आणि परिस्थितीचे आकलन करा. अनेक प्रश्नांची उत्तरे तुम्हाला आपोआप मिळतील. एवढेच नाही तर जोडीदाराच्या भावना आणि इच्छांचा आदर करायला शिका.
