मुख्यमंत्री एकनाथ शिंदे यांनी पूर्व व पश्चिम उपनगर येथे संपूर्णस्वच्छतामोहीम दरम्यान पाहणी केली. जुहू येथे त्यांनी समुद्र किनारा स्वच्छ करणारे यंत्र चालविले. मुंबईच्या स्वच्छतेचे ‘खरे हिरो’ हे स्वच्छता कर्मचारी असून आपण त्यांना सहकार्य केले पाहिजे, असे त्यांनी आवाहन केले.
घाटकोपरच्या रमाबाईनगर येथे डॉ.बाबासाहेबआंबेडकर यांच्या पुतळ्यास मुख्यमंत्री श्री. शिंदे यांनी पुष्पहार अर्पण करुन अभिवादन केले. येथील रस्ता क्र. १ ची स्वच्छता व या मोहिमेची पाहणी करताना त्यांनी स्वच्छता कर्मचारी व नागरिकांशी संवाद साधला.
कांदिवलीच्या (पूर्वे) ठाकूर संकुल येथील #संपूर्णस्वच्छतामोहीम मध्ये राष्ट्रीय सेवा योजनेच्या विद्यार्थ्यांनी स्वच्छतेवर पथनाट्य सादर केले. मुख्यमंत्री श्री. शिंदे यांनी विद्यार्थ्यांशी संवाद साधून त्यांचे कौतुक केले. महानगरपालिकेच्या या मोहिमेमध्ये सर्वांनी सहभागी होण्याचे आवाहन केले.
मुख्यमंत्री श्री. शिंदे यांनी अंधेरी पूर्व-पश्चिमेला जोडणाऱ्या गोपाळकृष्ण गोखले रेल्वे उड्डाणपूलाच्या कामाची पाहणी केली. या पुलाची पहिली मार्गिका सुरु करण्याच्या दृष्टीने ठरलेल्या वेळेत सगळी कामे पूर्ण करण्याचे निर्देश ही त्यांनी यावेळी अधिकाऱ्यांना दिले.
संपूर्णस्वच्छतामोहीम दरम्यान पालकमंत्री दीपक केसरकर, खासदार गोपाळ शेट्टी, महानगरपालिकेचे आयुक्त इकबाल सिंह चहल, अतिरिक्त आयुक्त डॉ. सुधाकर शिंदे तसेच नागरिक मोठ्या संख्येने उपस्थित होते.
