अक्कलकोट – येथील श्री वटवृक्ष स्वामी समर्थांचे देश विदेशासह राज्यभरात अनेक स्वामी भक्त आहेत. वटवृक्ष मंदिरातील भौतिक सौंदर्य येणाऱ्या भाविकांचे मन मोहून घेत आहे. नुकतेच आज स्वामी दर्शनाच्या कारणाने अक्कलकोटला येण्याचा योग आला. मंदीरातील स्वामी भक्तांची संख्या पाहून खुपच भारावलो. मंदिर समितीचे चेअरमन महेश इंगळे यांनी आमच्या मंदिरातील आगमनाची दखल घेऊन तात्काळ स्वागत व स्वामी दर्शनाची उत्तम व्यवस्था उपलब्ध करून दिली. त्यामुळे मन प्रसन्न झालेले आहे. केवळ आमच्यासाठीच नाही तर येथे येणाऱ्या सर्वसामान्य भाविकांसह अबाल वृद्धांसाठी महेश इंगळे हे नियमीतपणे स्वतः वटवृक्षाखाली उभे राहून सर्व स्वामी भक्तांचे दर्शन सुरळीत व सुलभतेने कसे होईल याकडे जातीने लक्ष देतात. या निमित्ताने येथील श्री वटवृक्ष स्वामी महाराज मंदिरातील नियोजनबद्ध दर्शन व्यवस्थेमुळे भाविकांना सुलभ स्वामी दर्शनाचा लाभ होत असल्याचे मनोगत पनवेलचे विद्यमान आमदार प्रशांत ठाकूर
यांनी व्यक्त केले. ते नुकतेच येथील श्री वटवृक्ष स्वामी महाराज मंदिरास सपत्निक भेट देऊन श्री स्वामी समर्थांचे दर्शन घेतले. याप्रसंगी मंदिर समितीच्या वतीने समितीचे चेअरमन महेश इंगळे यांनी आमदार प्रशांत ठाकूर व त्यांचे सुविद्य पत्नी यांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सत्कार केला. याप्रसंगी आमदार प्रशांत ठाकूर बोलत होते. पुढे बोलताना आमदार प्रशांत ठाकूर यांनी वटवृक्ष मंदिरातले नियोजन उत्तम व आदर्शवत असल्याचे मनोगतही व्यक्त केले.
यावेळी नगरसेवक ननू कोरबू, सरपंच प्रदीप पाटील, मंदिर समितीचे सचिव आत्माराम घाटगे, विश्वस्त महेश गोगी, गिरीश पवार, संजय पवार, श्रीकांत मलवे, ऋषिकेश लोणारी, महेश मस्कले आदींसह भाविक भक्त मोठ्या संख्येने उपस्थित होते.
फोटो ओळ – आमदार प्रशांत ठाकूर व त्यांच्या सुविद्य पत्नी यांचा श्री वटवृक्ष मंदिरात सत्कार करताना चेअरमन तथा नगरसेवक महेश इंगळे, नगरसेवक ननू कोरबू, सरपंच प्रदीप पाटील व अन्य दिसत आहेत.
