लोहा – शहरात २९ ऑगस्ट रोजी महापूर आला होता त्यात मोठया प्रमाणात घरात पाणी शिरले यात मोठ्या प्रमाणात नुकसान झाले होते अतिवृष्टी व सदृश्य फुटीमुळे अनेक कुटुंबांचे नुकसान झाले दुकानांचे मोठी हानी झाली संसारोपयोगी साहित्य धान्यसाठा, फर्निचर वाहून गेले पंचनामे होऊनही अनुदान मिळाले नाही .आ प्रतापराव पाटील चिखलीकर यांनी निवडणूक आचारसंहिता संपताच पूरग्रस्तांना अनुदान वाटप करण्याच्य सूचना दिल्या होत्या त्या पार्श्वभूमीवर नगराध्यक्ष शरद पवार यांच्या नेतृत्वाखाली शिष्टमंडळाने तात्काळ अनुदान द्यावे अशी मागणी तहसीलदार परळीकर यांच्याकडे केली आहे.
लोहा शहरात २९ ऑगस्ट रोजी महापूर आला आणि शहरात हाहाकार उडाला मोठ्या प्रमाणात घराचे व दुकानाचे नुकसान झाले आमदार प्रतापराव पाटील चिखलीकर यांनी तात्काळ पंचनामे करण्याचे त्याच वेळी आदेश दिले होते
नगराध्यक्ष शरद पाटील पवार यांच्या नेतृत्वाखाली फेब्रुवारी रोजी तहसीलदार विठ्ठल परळीकर यांना पूरग्रस्तांना तात्काळ अनुदान द्यावे अशी मागणी शिष्टमंडळाने केली यात नगरसेवक गणेश बगाडे, अविनाश पवार, इरबा पवार, सदानंद तेलंग, श्रीकांत मंजलवाड यांच्यासह नगरसेवक व कार्यकर्ते उपस्थित होते.
अनुदान लवकरच मिळणार
लोहा शहरातील पूरग्रस्त भागात झालेल्या नुकसानभरपाई चे अनुदान मिळावे यासाठी नगराध्यक्ष शरद पाटील पवार व शिष्टमंडळाने तहसीलदार परळीकर यांची भेट घेतली व चर्चा केली यावर तहसीलदार परळीकर यांनी लवकरच अनुदान वितरित करण्याचे आश्वासन दिले
