सांगोला – विद्यामंदिरच्या स्काऊट व गाईड विद्यार्थ्यांची क्षेत्रभेट वाढेगाव संगम येथील महादेव मंदिर याठिकाणी आयोजित करण्यात आली होती. यामध्ये इ.९ वी मधील २६ स्काऊट तर ३८ गाईड असे एकूण ६४ विद्यार्थ्यांनी सहभाग नोंदवला. संस्थेचे अध्यक्ष प्रा.प्रबुद्धचंद्र झपके यांच्या हस्ते व उपप्राचार्य प्रकाश म्हमाणे यांच्या उपस्थितीत शाळेच्या बसेसची पूजा करून सदर क्षेत्रभेटीकरता विद्यार्थी रवाना झाले.
या क्षेत्रभेटी दरम्यान वाढेगावचे रहिवासी वैजिनाथ घोंगडे यांनी विद्यार्थ्यांना वाढेगाव संगम व महादेव मंदिर या संदर्भाने सखोल माहिती दिली. वाढेगाव तंटामुक्ती समितीचे अध्यक्ष तानाजी भोसले यांनी विद्यार्थ्यांना खाऊ वाटप केले. याप्रसंगी विद्यार्थ्यांनी तेथील परिसर स्वच्छ करून विविध गुणदर्शन कार्यक्रम सादर केले.
यावेळी मुख्याध्यापक अमोल गायकवाड, उपमुख्याध्यापक चिंतामणी देशपांडे, पर्यवेक्षक व स्काऊट गाईड विभाग नियंत्रक उत्तम सरगर, पर्यवेक्षक काकासो नरुटे व स्काऊट गाईड विभाग प्रमुख प्रशांत रायचुरे उपस्थित होते.
सदर क्षेत्रभेट यशस्वीरित्या पार पाडण्यासाठी स्काऊट मास्टर वसंत गुळमिरे, चंद्रकांत ढोले, गाईड कॅप्टन संध्या तेली व शुभांगी पलसे यांनी विशेष परिश्रम घेतले.
