महिंद्रा लाइफस्पेस डेव्हलपर्स लि. या महिंद्रा समूहाच्या स्थावर मालमत्ता आणि पायाभूत सुविधा विकास कंपनीने आज भारतातील पहिला नेट झिरो वेस्ट एनर्जी निवासी प्रकल्प – महिंद्रा व्हिस्टाची यशस्वी विक्री झाल्याचे जाहीर केले. कांदिवली, मुंबई येथे वसलेला हा प्रकल्प नुकताच लाँच करण्यात आला असून तिथे केवळ तीन दिवसांत ८०० कोटी रुपयांची विक्री करण्यात आली. पर्यावरणाच्या वाढत्या समस्या लक्षात घेऊन महिंद्रा लाइफस्पेस कंपनीने स्वीकारलेला नाविन्यपूर्ण दृष्टीकोन घरखरेदीदारांना पसंत पडला असून त्यामुळे शाश्वत स्थावर मालमत्ता क्षेत्रातील कंपनीचे आघाडीचे स्थान आणखी मजबूत झाले आहे. महिंद्रा लाइफस्पेसेने नुकतेच कार्बन कॅल्क्युलेटर लाँच केले आहे व त्यानिमित्ताने वैयक्तिक पातळीवर होणारे कार्बन उत्सर्जन आणि शाश्वतता यांविषयी अर्थपूर्ण चर्चा होत आहे. हा प्रकल्प महिंद्रा लाइफस्पेसच्या नागरिकांना पर्यावरणाच्या दृष्टीने जागरूक गोष्टी निवडण्याची प्रेरणा देण्याच्या धोरणाशी सुसंगत आहे.
पर्यावरणा प्रतिसादात्मक तत्वांच्या मदतीने डिझाइन करण्यात आलेला हा प्रकल्प आपला १०० उर्जा पुरवठा अक्षय उर्जा स्त्रोतांपासून मिळवतो आणि त्याद्वारे प्रत्यक्ष व अप्रत्यक्ष उर्जा बचत पद्धतींच्या माध्यमातून १० लाख केडब्ल्यूएच उर्जा वाचवणे अपेक्षित असून ते २१२ घरांना वीज पुरवठा करण्याइतके आहे. त्याचमुळे या प्रकल्पामुळे ८ लाख किलो कचरा म्हणजेच तब्बल ७८६ ट्रक कचरा जमिन भरावामध्ये टाकण्यापासून वाचणार आहे. हा प्रकल्प जल संवर्धनासाठीही या प्रकल्पात विविध उपक्रम हाती घेण्यात आले असून त्यात कमी प्रवाहाचे फिक्सचर्स, सांडपाण्याचा पुनर्वापर, प्रभावी जलसिंचन यंत्रणा इत्यादींचा समावेश आहे. त्यामुळे बाह्य स्त्रोतांच्या ५३ टक्के पाण्याची बचत होईल. त्याशिवाय या विकासामध्ये घनदाट शहरी जंगलांचा समावेश असून ते १००० देशी झाडांसह स्थानिक जैवविविधता समृद्ध करत आहे.
महिंद्रा लाइफस्पेस डेव्हलपर्स लिमिटेडचे प्रमुख व्यावसायिक अधिकारी (पश्चिम) विमलेंद्र सिंग म्हणाले, ‘महिंद्रा व्हिस्टाला मिळालेल्या यशामुळे आणि मुंबईतील ग्राहकांमध्ये शाश्वत जगण्याप्रती जागरूकता वाढत असल्याचे पाहून आम्ही भारावून गेलो आहोत. घरखरेदीदारांमध्ये दिसून येत असलेली हरित भविष्यासाठी योगदान देण्याची आकांक्षा सुखावह आहे.’
मुंबई शहरात दरवर्षी २३ दशलक्ष टन कार्बन उत्सर्जन होते. हवामान बदलाला सामोरे जाण्याची तीव्र गरज आणि कार्बन उत्सर्जनामध्ये इमारतींची भूमिका यांची आम्हाला जाणीव आहे. महिंद्रा समूह सध्या २०४० मध्ये कार्बन न्युट्रलिटी साध्य करण्याच्या ध्येयाच्या दिशेने प्रवास करत असून वर्ष २०३० पर्यंत नेट झिरो बिल्डिंग्जची शपथ पूर्ण करण्यासाठी काम सुरूच ठेवू. शाश्वत आणि पर्यावरणदृष्ट्या जबाबदार भविष्याच्या दिशेने सुरू असलेल्या आमच्या प्रवासात महिंद्रा व्हिस्टा लक्षणीय पाऊल आहे. महिंद्रा व्हिस्टा ७.७४ एकरांत पसरलेला असून त्यात ३.५ एकर लँडस्केप्स (१.९ एकर जमिनीवर आणि १.६ एकर पोडियम टॉपवर) आणि बायोफिलिक- रूफ क्लबहाउसचा समावेश आहे. पोडियमवर कोलोनेड्सची रचना असलेला मार्ग तयार करण्यात आला आहे, जो पुढे इन्फिनिटी पूलला मिळतो. एक ते चार बीएचके घरांचा समावेश असलेला हा प्रकल्प नैसर्गिक प्रकाश व हवा खेळती राहील अशा पद्धतीने विचारपूर्वक तयार करण्यात आला आहे. आधुनिक पद्धतीच्या डिझाइन्सच्या मदतीने घर आणि निसर्गाची सांगड इथे घालण्यात आली आहे. हे या प्रकल्पाच्या पहिल्या टप्प्याचे लाँच असून त्यात तीन टॉवर्स मिळून ६०१ युनिट्सचा समावेश आहे. महिंद्रा व्हिस्टा शाश्वत राहाणीमान, सर्वसमावेशक डिझाइन आणि पर्यावरणाविषयी जागरूकता यातील महत्त्वाचा टप्पा आहे.
कांदिवली पूर्व ठिकाणचा परिसर शांतता आणि कनेक्टिव्हिटी यांचा योग्य मेळ घालणारे आहे. इथे सुस्थापित सामाजिक सुविधा, दर्जेदार शाळा, हॉस्पिटल्स आणि रिटेल व डायनिंगचे वैविध्यपूर्ण पर्याय उपलब्ध असल्यामुळे घर खरेदीदारांची त्याला पसंती मिळत आहे. संजय गांधी राष्ट्रीय उद्यानाचे भव्य दृश्य लाभलेले महिंद्रा व्हिस्टा शहरी वातावरणातही निसर्गाचा आनंद देणारे आहे. आकुर्ली रस्त्यावरील याचे प्राइम लोकेशन, आगामी डीपी रस्ता, प्रमुख हायवे, रेल आणि मेट्रो नेटवर्कशी असलेल्या उत्तम कनेक्टिव्हिटीमुळे ग्राहकांची या प्रकल्पाला पसंती मिळत आहे.
