वेळापूर – रिपब्लिकन पार्टी ऑफ इंडिया (आठवले) चे राष्ट्रीय अध्यक्ष व केंद्रीय सामाजिक न्याय राज्यमंत्री डॉ. रामदास आठवले यांच्या आदेशानुसार आणि महाराष्ट्र प्रदेशाध्यक्ष लोकनेते राजाभाऊ सरवदे यांच्या मार्गदर्शनाखाली माळशिरस तालुका अध्यक्ष मिलिंद सरतापे यांच्या अध्यक्षतेखाली माळशिरस तालुक्याची महत्वपूर्ण बैठक अकलूज येथील शासकीय विश्रामगृहात उत्साहपूर्ण वातावरणात संपन्न झाली.
या बैठकीस युवक राज्य उपाध्यक्ष किरण धाईंजे, पश्चिम महाराष्ट्र संघटक एस. एम. गायकवाड, जिल्हा उपाध्यक्ष शामराव भोसले, जिल्हा सचिव रमेश धाईंजे, जिल्हा उपाध्यक्ष नितीन मोरे, तालुका सरचिटणीस मारुती खांडेकर, युवक तालुका अध्यक्ष दशरथ नवगिरे, अकलूज शहर अध्यक्ष अजित मोरे यांच्यासह प्रवीण साळवे, बापूसाहेब पोळके, संजय भोसले, अण्णासाहेब भोसले, भास्कर बनसोडे, सुनील ओव्हाळ, प्रकाश कांबळे, गणेश सावंत, गौतम वाघंबरे, दिनेश भोसले, असिफ शेख, संजय खरे, दीपक दळवी, भगवान भोसले तसेच प्रमुख पदाधिकारी व कार्यकर्ते मोठ्या संख्येने उपस्थित होते.
——————————————
बैठकीत ३ नोव्हेंबर रोजी ऐतिहासिक महाड क्रांतीभूमी येथे होणाऱ्या रिपाइंच्या ६८ व्या वर्धापन दिन कार्यक्रमास माळशिरस तालुक्यातून भव्य प्रमाणात उपस्थिती राहावी, असे आवाहन करण्यात आले.
——————————————
तसेच आगामी नगरपरिषद, जिल्हा परिषद व पंचायत समिती निवडणुकांच्या पार्श्वभूमीवर संघटन बळकट करणे, विभागनिहाय नियोजन आणि इच्छुक उमेदवारांची नावे निश्चित करण्याबाबत सविस्तर चर्चा करण्यात आली.
दरम्यान, अकलूज नगरपरिषदेसह तालुक्यातील जि.प. व पंचायत समितीच्या आरक्षित जागांसह इतर योग्य जागांवरही रिपब्लिकन पक्ष आपला ठाम दावा करणार असल्याचे बैठकीत सांगण्यात आले.
बैठकीचे आभार अकलूज शहराध्यक्ष अजित मोरे यांनी मानले.
________________________
आगामी स्थानिक स्वराज्य संस्थेमध्ये रिपब्लिकन पक्षाचा कार्यकर्ता निवडून जाण्यासाठी आम्ही सर्वतोपरी प्रयत्न करणार यावेळी पक्ष निवडणूक लढणार.
—: मिलिंद सरतापे तालुकाध्यक्ष रि.पा.इं.
——————————————
अकलूज येथे रिपब्लिकन पार्टी ऑफ इंडिया आठवले माळशिरस तालुक्याची बैठक संपन्न झाली.
