नवीन नांदेड – रमाई आंबेडकर चॅरिटेबल ट्रस्ट भीमवाडी यांच्यावतीने रमाई आंबेडकर जयंती महोत्सव दिनांक ७ फेब्रुवारी २०२६ रोजी रमाई आंबेडकर जयंती मोठ्या उत्साहात रमाई स्मारकाच्या भव्य मैदानात पार पडला. या ठिकाणी सकाळी १०:३० वाजता पंचशील ध्वजाचे ध्वजारोहण ट्रस्टचे अध्यक्ष श्रीकांत कांबळे यांच्या हस्ते करण्यात आले.
सिडको परिसरातील रमाई आंबेडकर स्मारक येथे रमाई चॅरिटेबल ट्रस्ट भिमवाडी यांच्यावतीने दरवर्षीप्रमाणे गेली १३ वर्षापासून रमाई जयंती महोत्सव साजरा करण्यात येतो. त्याचप्रमाणे दिनांक ७ फेब्रुवारी रोजी सकाळी ठीक १०:३० वाजता ट्रस्टचे अध्यक्ष श्रीकांत कांबळे यांच्या हस्ते पंचशील ध्वजाचे ध्वजारोहण करण्यात आले.
यावेळी ट्रस्टचे उपाध्यक्ष प्रकाश कांबळे, सचिव राजू वाघमारे, सहसचिव राजू तायडे, कोषाध्यक्ष भंते राजरत्न सेनापती, सदस्य उत्तम डाकोरे, पंढरीनाथ सावळे, गोविंद सरोदे, सिद्धार्थ भालेराव, विलास वाघमारे, गयाबाई पवार यांचसह समाज बांधवांची मोठी संख्येने उपस्थिती होती. दरम्यान दुसऱ्या सत्रात दुपारी ४ वाजता भीमवाडी ते माता रमाई चौक स्मारक दरम्यान माता रमाई यांच्या तैलचित्राची भव्य मिरवणूक काढण्यात आली.
यावेळी माता रमाई चौक येथील रमाई पुतळ्यास पुष्पहार व पुष्प अर्पण करून हजारो समाज बांधवांनी अभिवादन केले. त्यानंतर या ठिकाणी सायंकाळी ५ ते ९:३० दरम्यान बुद्ध भीम गीतांचा कार्यक्रम महाराष्ट्रातील सुप्रसिद्ध गायक रविराज भद्रे व सुप्रसिद्ध गायिका अंकिताताई नांदेडकर यांच्या मधुर गायनाच्या आनंद हजारो समाज बांधवांनी आनंद घेतला.
हा जयंती सोहळा पार पाडण्यासाठी ट्रस्टचे अध्यक्ष श्रीकांत कांबळे सचिव राजू वाघमारे व त्यांची पूर्ण कार्यकारिणी व तसेच गणपत भुरे, काशिनाथ कांबळे, उत्तम वाघमारे व भीमवाडी येथील श्रद्धावान बौद्ध उपासक उपासिका यांनी परिश्रम घेतले. तसेच सिडको हडको परिसरात तील ठिकठिकाणीच्या बुद्ध विहारात माता रमाई आंबेडकर जयंती निमित्त माता रमाई आंबेडकर यांना पुष्पहार व पुष्प अर्पण करून अभिवादन करण्यात आले. काही ठिकाणी अन्नदान व खेळ दान ठेवण्यात आले होते.
