मुळशी तालुक्यातील मुठा गावात पोलिस आणि गुन्हेगार यांच्यात गोळीबाराचा थरार पहायला मिळाला. तरी देखील सराईत गुन्हेगार हा पळून जाण्याच्या प्रयत्नात असताना पोलिसांनी पाठलाग करून त्याच्या मुसक्या आवळल्या आहेत. या घटनेने मुळशी तालुक्यात एकच खळबळ उडाली होती.
नव्या उर्फ नवनाथ निलेश वाडकर (वय १८) असे मुसक्या आवळलेल्या गुन्हेगाराचे नाव आहे. गेल्या काही दिवसांपासून तो फरार होता. मात्र, पोलिसांना त्याचे तांत्रिक विश्लेषण मिळाले होते. त्यावरून पोलिसांनी त्याच्या मुसक्या आवळल्या आहेत.
याबाबत अधिक माहिती अशी की, पुण्यातील पर्वती भागात नवनाथ वाडकर हा वास्तव्यास होता. तो सराईत गुन्हेगार आहे. खुनाचा प्रयत्न केल्याच्या गुन्ह्यात तो काही दिवसांपासून फरार होता. गुन्हे शाखेतील पोलिस काही दिवसांपासून त्याच्या मागावर होते. मात्र, आज सकाळच्या सुमारास तांत्रिक विश्लेषणाच्या आधारे नवनाथ वाडकर हा मुळशी तालुक्यातील मुठा गावात येणार असल्याची माहिती पोलिसांना मिळाली होती. त्यानुसार, पोलिस त्याला पकडण्यासाठी गेले. पोलिसांना पाहून वाडकर पळू लागला. त्यानंतर पोलिसांनी त्याचा पाठलाग सुरू केला. त्याने पळता पळता पोलिसांच्या दिशेने गोळी झाडली. त्यानंतर पोलिसांनी देखील त्याच्या दिशेने तीन ते चार गोळ्यांचे फायारींग केले. मात्र, तरीही तो पळत होता. अखेर पोलिसांनी काही अंतर जात नवनाथ वाडकर याच्या मुसक्या आवळल्या आहेत. मंगळवारी हा प्रकार घडला आहे.
कोण आहे नव्या वाडकर?
अवघ्या १८ वर्षांचा नव्या वाडकर हा पुण्यातील जनता वसाहतीत राहणारा. तिथे सनी चव्हाण यांच्या गुन्हेगारी टोळ्या कार्यरत होत्या. सनी चव्हाण याचा जुना सहकारी म्हणून वाडकर याची ओळख आहे. कालांतराने दोघात वैमनस्य निर्माण झाले. यानंतर वाडकर याने स्वत:ची टोळी निर्माण केली. त्यामुळे तो स्वतः टोळी प्रमुख म्हणून काम करत होता. पुण्यात विविध ठिकाणी त्याची टोळी काम करत होती. त्याच्यावर अनेक गुन्हे देखील दाखल आहेत. जनता वसाहतीत त्याने आपले वर्चस्व प्रस्थापित करायला सुरुवात केली होती.
पर्वती परिसरातील जनता वसाहतीत वाडकर आणि सनी चव्हाण उर्फ चॉकलेट सुन्या यांच्या गुन्हेगारी टोळ्या होत्या. कधीकाळी वाडकर हा सनी चव्हाणचा उजवा हात म्हणून ओळखला जायचा. कालांतराने वाडकर आणि चव्हाण यांच्यात वैमनस्य आल्याने वाडकर याने स्वतःची टोळी स्थापन केली. तो स्वतः टोळी प्रमुख म्हणून काम करत होता. त्याच्या टोळीत सिंहगड रोड, धायरी, जनता वसाहत परिसरातील मुले काम करत होती. जवळपास २००७ पासून या दोघांमध्ये वैमानश्य होते.
दरम्यान, मध्यंतरीच्या काळात या दोघांमध्ये समझोता करण्याचा प्रयत्नही झाला. मात्र, वाडकर याचा त्याला विरोध होता. काही वर्षांपूर्वी पोलिसांवर गोळीबार केल्याच्या प्रकरणात निलेश वाडकर तुरुंगात गेला होता. तुरुंगातून सुटून आल्यानंतर वाडकर हा सनीच्या मागावर होता. मात्र याची कल्पना सुन्याला आल्यानंतर त्याने जनता वसाहत परिसरात कोयत्याने वार करून नवनाथ वाडकरचा खून केला. या गुन्ह्यात फरार असलेल्या चॉकलेट सून्याला पोलिसांनी अटक केली. तेव्हापासून निलेश वाडकर याचा मुलगा असलेल्या नव्या उर्फ नवनाथ वाडकर याने जनता वसाहत परिसरात वर्चस्व निर्माण करण्यास सुरुवात केली.
