बिलोली – तत्कालीन माजी नगराध्यक्ष सौ.मैथिली कुलकर्णीं यांच्या कार्यकाळात बिलोली शहरवासीयांसाठी पाणीपुरवठ्याचा प्रस्ताव पाठविण्यात आला होता तो प्रस्ताव सध्यस्थितीत मंञालयात असुन जो पर्यंत तहानलेल्या बिलोलीकरांसाठी पाणी पुरवठ्याची योजना मंजुर होत नाही तो पर्यंत मी नगराध्यक्ष पदाच्या खुर्चीवर बसणार नसल्याचा संकल्प नवनिर्वाचित नगराध्यक्ष संतोष कुलकर्णीं यांनी पदभार स्विकारताना केला आहे. त्यामुळे बिलोलीकरांना दिलेल्या वचनाची पुर्तता होणार हे निश्चित मानले जात आहे.
बिलोली नगरपरिषद सार्वत्रिक निवडकीत मराठवाडा जनहित पार्टी नगराध्यक्ष पदाचे उमेदवार संतोष कुलकर्णीं व त्यांच्याच पक्षाचे १४ नगरसेवक निवडुन आल्याने संतोष कुलकर्णीं यांची एकहाती सत्ता आली आहे.त्याचबरोबर नगरपरिषदेत काँग्रेसचे ४,राष्ट्रवादी १,अपक्ष १ असे पक्षिय बलाबल आहे.२९ डिसेंबर रोजी मुख्याधिकारी बालाजी मिट्टेवाड यांच्या उपस्थिती नगराध्यक्ष संतोष कुलकर्णीं यांनी नगराध्यक्ष पदाचा पदभार स्विकारला परंतु पदभार स्विकारल्यानंतर नगराध्यक्ष पदाच्या खुर्चीवर बसणार नसल्याचे त्यांनी सांगितले.
यावेळी ते म्हणाले की, बिलोली शहरासाठी पाणीपुरवठ्याची योजना प्रस्थावित असुन ही योजना मंञालयात आहे, जो पर्यंत ही योजना मंजुर होणार नाही तो पर्यंत मी नगराध्यक्ष पदाच्या खुर्चीवर बसणार नाही, लवकरच ही योजना मंजुर करण्यासाठी मी मुख्यमंञी देवेंद्रजी फडणवीस यांची भेट घेतली असुन राष्ट्रवादी, शिवसेनासह विविध सत्ताधारी पक्षांच्या नेत्यांची भेटु घेणार असुन शहर विकासासाठी निधीची आवश्यकता असुन त्यामुळे सर्व नेत्यांना भेटने सहाजिक आहे.
माजी मुख्यमंञी अशोकराव चव्हाण यांनी ही योजना मंजुर करण्यासाठी सहकार्याची भावना दर्शविली आहे.आज झालेल्या पदग्रहण सोहळ्यात नवनिर्वाचित गटनेता नागनाथ तुम्मोड,नगरसेविका सौ.मैथिली कुलकर्णीं, नगरसेवक यशवंत गादगे, अनुप अंकुशकर, मिर्झा वसीम बेग, नितीन देशमुख, अब्दुल फिरदोस, सौ.गोदावरी पुपलवार, सौ.अम्रपाली पोवाडे, सौ.अनुपमा महेंद्र गायकवाड, सौ.डॉ.स्वाती शंकपाळे, सौ.लता शिंदे,अपसरी बेगम सादीक पटेल, राजु कुडके, शिवा गायकवाड आदी नगरसेवकांचा नगरपरिषदेकडुन सन्मान करण्यात आला.
