सांगोला – महाविद्यालयातील अर्थशास्त्र विभाग अंतर्गत गुणवत्ता हमी कक्ष आणि सोलापूर विद्यापीठ अर्थशास्त्र परिषद यांचे संयुक्त विद्यमाने जी.एस.टी सुधारणा २०२५ या विषयावर एक दिवसीय कार्यशाळेचे आयोजन करण्यात आले होते. याप्रसंगी श्री संत दामाजी महाविद्यालय, मंगळवेढाचे प्रा.डॉ.पी.एम.होनराव, डॉ.गणपतराव देशमुख महाविद्यालयाचे अर्थशास्त्र विभाग प्रमुख प्रा.एस.बी.शिंदे तसेच अध्यक्षस्थानी ॲड.उदयबापू घोंगडे उपस्थित होते.
यावेळी डॉ.पी.एम.होनराव यांनी जागतिक आणि भारतीय अर्थव्यवस्थेची वर्तमान स्थिती, जीएसटीची नवीन नियमावली, कररचना, अनुपालन प्रक्रिया, जीएसटीच्या रचनेत झालेल्या बदलामुळे कृषी, उद्योग आणि सर्वसामान्य ग्राहक यावर होणाऱ्या परिणामाविषयी सखोल माहिती विद्यार्थ्यांना दिली. सोलापूर विद्यापीठ अर्थशास्त्र परिषदेचे अध्यक्ष प्रा.डॉ.संतोष कदम यांनी अर्थशास्त्र परिषदेचे कार्य व वर्तमानातील जीएसटीच्या सुधारणेबाबत माहिती दिली. ॲड.उदयबापू घोंगडे यांनी जीएसटीबाबत विद्यार्थ्यांनी सखोल माहिती करून घ्यावी असे मार्गदर्शन केले. प्रा.डॉ.एस.आर.भोसले यांनी भारतातील जीएसटीचा इतिहास आणि वर्तमानातील सुधारणा याविषयी माहिती विद्यार्थ्यांना दिली. या कार्यशाळेसाठी अर्थशास्त्र परिषदेचे उपाध्यक्ष प्राचार्य डॉ.धीरजकुमार बाड, सचिव डॉ.अमोल खाडे, १८ व्या अधिवेशनाचे नियोजित अध्यक्ष प्रा.डॉ.आर.के.पाटील, डॉ.बी.एच.कुलकर्णी, प्रा.डॉ.बी.एस.गायकवाड, किशोर शिंदे, डॉ.जमीर तांबोळी, प्रा.डॉ.भाग्यश्री पाटील उपस्थित होते.
सदर कार्यक्रम यशस्वी होण्यासाठी संस्थेचे अध्यक्ष बाबूरावजी गायकवाड, उपाध्यक्ष ता.ना.केदार व प्रा.पी.सी.झपके, खजिनदार नागेश गुळमिरे, सचिव ॲड.उदयबापू घोंगडे, सहसचिव साहेबराव ढेकळे, प्र.प्राचार्य डॉ.एस.आर.भोसले, आय.क्यू.ए.सी समन्वयक डॉ.आर.जी.पवार, कार्यालयीन अधिक्षक विलास माने, शिक्षक, शिक्षकेत्तर कर्मचारी आणि विद्यार्थी यांचे मोलाचे सहकार्य लाभले. या कार्यक्रमाचे प्रास्ताविक अर्थशास्त्र विभाग प्रमुख प्रा.डॉ.एम.डी.वेदपाठक, सूत्रसंचालन प्रा.एस.एस.भुंजे यांनी केले. आभार प्रा.पी.डी.गोडसे यांनी मानले.
