तभा फ्लॅश न्यूज/लातूर : निलंगा तालुक्यात अंबुलगा बु. येथे तरुणाने फेसबुक लाईव्ह करत आत्महत्या करण्याची भाषा करत स्वतःच्याच छातीत सुरा खुपसून जीवन संपवले.
पोलिसांनी दिलेल्या माहितीनुसार, गेल्या अनेक वर्षांपासून तो मुंबईत वास्तव्यास होता. निलंगा शहरातील लांबोटकर पेट्रोल पंपाजवळील आंब्याच्या झाडाखाली बसून फेसबुक लाईव्ह करत होता. ‘मी आत्महत्या करत आहे’ असे सांगून काही वेळानंतर त्याने छातीत सुरा खुपसला.
पोलिसांनी शोध घेतल्यानंतर तो पेट्रोल पंपाजवळ जखमी अवस्थेत सापडला. तातडीने त्याला लातूरमधील सह्याद्री हॉस्पिटलमध्ये हलवण्यात आले. मात्र उपचार सुरू असतानाच त्याचा मृत्यू झाला.
आत्महत्येचे कारण अद्याप स्पष्ट झालेले नाही. या प्रकरणी पोलीस अधिक तपास करीत आहेत.
