औरंगाबाद : वाळूज औद्योगिक वसाहतीत प्लास्टिक चटईच्या कंपनीला भीषण आग pic.twitter.com/AmdDvQ9lTh
— Maharashtra Times (@mataonline) January 16, 2023
औरंगाबादेत वाळूज औद्योगिक वसाहतीतील जोगेश्वरी येथील सोहेल प्लास्टिक कंपनी या चटईच्या कारखान्याला भीषण आग लागली आहे. अग्निशमन दलाच्या दोन वाहन दुर्घटनास्थळी पोहोचले आहेत. अग्निशमन दलाच्या जवानांकडून आग विझवण्यासाठी शर्थीचे प्रयत्न सुरु असून कंपनीच्या शेजारी अनेक घरे देखील आहेत. ही आग पसरू नये यासाठी अधिक प्रमाणात पाण्याचे टँकर मागवण्यात आले आहेत.
भीषण आगीमुळे परिसरात धुराचे मोठ्या प्रमाणात लोट पसरले आहेत. अग्निशमन दलाची वाहने घटनास्थळी दाखल झाली असून आग आटोक्यात आणण्याचे काम सुरु आहे. ही आग नेमकी कोणत्या कारणाने लागली हे अद्याप समजलेलं नाही.
