छोटी राणी वाघीण आणि तिचे बछडे
राज्यात वाघांची संख्या सातत्याने वाढत आहे. अशातच मनुष्यांप्रमाणे प्राण्यांमध्येही आई आणि लेकराचं प्रेम चर्चेचा विषय ठरला आहे. अमरावती येथील विभागीय आयुक्त कार्यालयात कार्यरत असणारे पुनर्वसन विभागाचे उपायुक्त गजेंद्र बावणे यांनी नुकतीच चंद्रपूर जिल्ह्यातील शिरखेड बफर झोनमध्ये जाऊन केलेली फोटोग्राफी सध्या चर्चेचा विषय ठरत आहे.
शिरखेड बफर झोन
शिरखेड बफर झोनमधील छोटी राणी म्हणून परिचित असलेली वाघीण तिने आपल्या दोन बछड्यांसोबत निसर्गरम्य वातावरण लडिवाळपणे केलेली मस्ती गजेंद्र बावणे यांनी कॅमेरात कैद केली आहे.
गर्द झाडीत वाघीण आणि बछड्यांचा लडिवाळपणा
याबाबत बोलताना गजेंद्र बावणे यांनी सांगितलं, की जून महिन्यात केलेली ही सफारी आहे. दुपारच्या वेळी वाघीण आणि तिचे दोन बछडे गर्द झाडीत निवांतपणे झोपून होते. सर्वजण त्यांची ते बाहेर येतील यासाठी ताटकळत होते.
अचानक गव्यांचा कळप आला…
अचानक गव्यांचा एक कळप तिथे आला आणि त्यांनी वाघाच अस्तित्व लक्षात येताच सर्व कळप अलर्ट झाला.
वाघीण छोटी राणी सावध पवित्रा घेत गव्यांच्या मागे…
धिप्पाड गवे जोर जोराने फुस फुस करू लागले. कळप दोन दिशेत विभागाला गेला. वाघीण छोटी राणी सावध पवित्रा घेत गव्यांच्या मागे होती एवढ्या घडामोडीत सर्व जिप्सी धारक प्रवासी थरारून गेले. एका ठिकाणी गाडी दूर उभी केल्यानंतर कॅमेरा हातात घेऊन वाट पाहत सर्व तयार होते. वाघीण हळू हळू एक-एक पाऊल पुढे टाकत होती.
बछड्यांसाठी छोटी राणी वेगाने झेपावली…
अन् तिने एक डरकाळी फोडली…सुसाट वेगाने ती सावजावर झेपावली. गव्यांची अक्षरशः दाणादाण उडालेली. सगळ काही आठ ते दहा सेकंदात झालं. तेवढ्या वेळात हे फोटो काढण्यात आले.
छोटी राणी आणि तिच्या बछड्यांची जंगलात मस्ती
यानंतर काही झालंच नाही या आविर्भावात वाघीण छोटी राणी आणि तिचे दोन बछडे बाहेर येऊन मोकळ्या मैदानात खेळू लागले. आईच्या डोळ्यांसमोर त्यांची मस्ती सुरू होती.
पर्यटकांसाठी ठरला खास अनुभव
प्राण्यांमधील ही आई आणि लेकरांचं नातं किती प्रेमळ असतं याची अनुभूती त्यावेळी सर्व पर्यटकांना आली. (Photo Credit: गजेंद्र बावणे)
