अभिनेत्री दीपाली सय्यद यांनी मनसे प्रमुख राज ठाकरे यांना ठार मारण्याचा कट रचल्याचा खळबळजनक दावा त्यांचे माजी स्वीय सहाय्यक भाऊसाहेब शिंदे यांनी केल्याने खळबळ उडाली आहे. अहमदनगर : अभिनेत्री दीपाली सय्यद यांचे माजी स्वीय सहाय्यक भाऊसाहेब शिंदे यांनी दीपाली सय्यद यांच्यावर गंभीर आरोप केले आहे. आज त्यांनी पत्रकार परिषद घेत हे आरोप केले आहे. दीपाली सय्यद ट्रस्टतर्फे होणारे व्यवहार चुकीचे आहेत, तसेच त्यांनी मनसे प्रमुख राज ठाकरे यांचा जीवे मारण्याचा कट रचल्याचा आरोप देखील त्यांनी केला.
भाऊ साहेब शिंदे यांनी केलेल्या गंभीर आरोपामुळे खळबळ उडाली आहे. मात्र, दीपाली यांनी सर्व आरोप फेटाळून लावले आहे. भाऊसाहेब शिंदे पत्रकार परिषदेत म्हणाले, अभिनेत्री दीपाली सय्यद भोसले यांनी ट्रस्टच्या माध्यमातून राज्यपालांच्या हस्ते पुरस्कार दिले होते. तसेच ५० लोकांना ५० हजारांचे धनादेश देण्यात आले होते. हे चेक बनावट असल्याचा आरोपही शिंदे यांनी केला. दीपाली सय्यद भोसले चॅरिटेबल ट्रस्टच्या माध्यमातून तब्बल ७०० ते ८०० कोटी रुपयांचे व्यवहार झाले असून हा पैसा चुकीच्या मार्गाने आला असल्याने त्याची चौकशी करण्यात यावी अशी मागणी देखील त्यांनी केली आहे. दीपाली सय्यद यांचे दाऊदसोबत संबंध असून याचे सर्व पुरावे देऊ असे देखील शिंदे यांनी महटले आहे.
शिंदे म्हणाले, भाजपचे खासदार बृज भूषण शरण सिंग यांची भेट घेऊन मनसे प्रमुख राज ठाकरे यांची हत्या करण्याचा कट दीपाली सय्यद होता अयोध्या दौऱ्यात भाजपचे खासदार बृजभूषण शरण सिंह यांना सय्यद प्रोत्साहित करत होत्या, यासाठी त्यांना एका मोठ्या नेत्याचा पाठिंबा होता, असा आरोपही करण्यात आला आहे.
