नळदुर्ग (विलास येडगे) :- लग्नसराईमुळे सध्या बसस्थानकात प्रवाशांची तुफान गर्दी होत आहे. दि.९ एप्रिल रोजी नळदुर्ग बसस्थानकात प्रवाशांची मोठी गर्दी पाहायला मिळाली. प्रवाशांमध्ये महिला तसेच ७५ री पार केलेल्या नागरीकांची संख्या जास्त होती. सरकारने ७५ वर्षांवरील नागरीकांना मोफत बस प्रवास तर महिलांना अर्ध्या तिकिटावर प्रवास करण्याची संधी दिल्याने सध्या बसमध्ये महिला प्रवाशांची संख्या जास्त दिसुन येत आहे.
सध्या लग्नसराई सुरू असुन मे महिन्यात तब्बल २२ लग्नाच्या तारखा आहेत. एप्रिल महिन्यात एकही शुभविवाहाची तारीख नव्हती त्यामुळे मे महिन्यात दररोज विवाह होत आहेत. त्यामुळे सर्वत्र विवाह सोहळ्यानिमित्त गर्दी दिसुन येत आहे.
महाराष्ट्र सरकारने ७५ वर्षांवरील नागरीकांना मोफत बसप्रवास केला आहे. त्याचबरोबर महिलांना अर्ध्या तिकिटावर प्रवास करण्याची योजना जाहीर केली आहे. त्यामुळे सध्या बस मधुन प्रवास करणाऱ्या प्रवाशांमध्ये महिलांची संख्या सर्वाधिक दिसुन येत आहे.
सध्या लग्नसराई धुमधडाक्यात सुरू आहे. त्यामुळे बसस्थानकात प्रवाशांची सध्या तुफान गर्दी दिसुन येत आहे. दि.९ एप्रिल रोजी नळदुर्ग बसस्थानकात प्रवाशांची मोठी गर्दी होती.९ एप्रिल ही तारीख विवाहाची असल्याने प्रवाशांची मोठी गर्दी झाली असल्याचे दिसुन आले. या गर्दीमध्ये महिला प्रवाशांची संख्या सर्वाधिक होती. एका वाहकाने सांगितले की बसमधील प्रवाशांमध्ये ७० टक्के महिला प्रवासी,२० टक्के ७५ री पार केलेले प्रवासी व इतर फक्त १० टक्के प्रवासी प्रवास करीत असल्याचे सांगितले.त्यामुळे राज्यसरकारच्या या निर्णयाचा महिलांना तसेच ७५ री पार केलेल्या नागरीकांना मोठा फायदा होत असल्याचे दिसुन येत आहे.
