लातूरात 1 लाख 28 हजाराचा गांजा जप्त

लातूर दि.20 जानेवारी- लातूरात गुन्हे शाखेच्या पथकाकडून तब्बल 1 लाख 28 हजाराचा गांजा जप्त करण्यात आला असून यात तिघावर गुन्हा दाखल करण्यात आला आहे. एकाला अटक करण्यात आली असून दोघे फरार आहेत. स्थानिक गुन्हे शाखेच्या पथकाला मिळालेल्या गोपनीय माहितीच्या आधारावर स्थानिक गुन्हे शाखेच्या पथकाने चांडेश्‍वर शिवारातील गट नंबर 169 येथे छापा टाक ला असता शेतात झुडपामध्ये गांजाची अवैध विक्री, व्यवसाय करण्यासाठी एकाने खाताच्या पोत्यामध्ये भरून ठेवलेला 3 किलो 670 ग्रॅम गांजा याची किंमत 1 लाख 28 हजार 450 रुपयेचा मुद्देमाल जप्त करण्यात आला आहे. या प्रकरणी 3 व्यक्तीवर गुन्हा दाखल करण्यात आला आहे.स्थानिक गुन्हे शाखेचे सहाय्यक पोलीस निरीक्षक सचिन द्रोणाचार्य यांच्या फिर्याद वरून काशिनाथ चव्हाण हसाळा याच्यासह इतर दोघांवर लातूर ग्रामीण पोलीसात गुंगीकारक औषधी द्रव्य आणि मनोव्यापारावर परिणाम करणारे पदार्थ प्रकरणी गुन्हा नोंद करण्यात आला आहे.स्थानिक गुन्हे शाखेच्या पथकाने गांजाची अवैध विक्री करण्यासाठी खाताच्या पोत्यामध्ये भरून ठेवलेल्या गांजासह मिळालेेला व्यक्ती काशिनाथ गोविंद चव्हाण याला अटक करून लातूर ग्रामीण पोलीसांच्या ताब्यात दिले आहे. अन्य दोन आरोपींचा शोध सुरू आहे.जिल्हा पोलीस अधीक्षक सोमय मुंडे यांच्या आदेशावरून जिल्ह्यात अवैध व्यवसाय करणार्‍यावर मोठ्या प्रमाणावर धाडी मारुन कार्यवाही करण्याचे सत्र सुरू आहे. याचाच एक भाग म्हणून पोलीस अधीक्षक सोमय मुंडे, अपर पोलीस अधीक्षक डॉ. अजय देवरे, उपविभागीय पोलिस अधिकारी लातूर ग्रामीण सुनील गोसावी यांच्या मार्गदर्शनाखाली स्थानिक गुन्हे शाखा लातूरचे पोलीस निरीक्षक गजानन भातलवंडे, सपोनि सचिन द्रोणाचार्य, पोलीस उपनिरीक्षक शैलेश जाधव, सहाय्यक फौजदार राजाभाऊ सूर्यवंशी, पोलीस अंमलदार नितीन कठारे, रवी कानगुले, तुराब पठाण, सचिन धारेकर, सचिन मुंडे, चंद्रकांत केंद्रे, सदानंद योगी, संपत फड, दोन शासकीय पंचासह 19 जानेवारी रोजी मुद्देमाल 3 किलो 670 ग्रॅम गांजा जप्त केला. गुन्ह्याचा पुढील तपास लातूर ग्रामीण पोलीस स्टेशनचे पोलीस उप निरीक्षक पाटील करीत आहेत.