सोलापूर – आदर्श आचारसंहितेच्या कालावाधीमध्ये ०१ देशी बनावटीचे पिस्टल व ०२ जिवंत काडतुसे जप्त करून एकुण ५०,४०० रू किंमतीचे मुद्देमाल ग्रामीण गुन्हे शाखेच्यावतीने हस्तगत करण्यात आला आहे.
स्थानिक गुन्हे शाखा, सोलापुर ग्रामीण कडील पोसई कुलदिप सोनटक्के व पथक असे बार्शी पोलीस ठाणे अवारात हजर असताना पथकातील सपोफौ प्रकाश कारटकर यांना गोपनीय बातमीदारामार्फत बातमी मिळाली की, विपुल यादव, रा. वाणी प्लॉट, बार्शी हा स्वतः जवळ गावठी पिस्टल बाळगून वाणी प्लॉट परीसरात फिरत आहे. त्याठिकाणी गेल्यानंतर एक इसम उभारलेला दिसला, बातमी प्रमाणे संशय आल्याने त्यास ताब्यात घेवून नाव, पत्ता विचारले असता विपुल शिवाजी यादव वय २९ वर्षे, रा. वाणी प्लॉट, बार्शी, ता. बार्शी जि. सोलापूर असे नाव असल्याचे सांगितले. सदर इसमाची अंग झडती घेतली असता त्याच्या ताब्यात पॅन्टीत खवलेले १ देशी बनावटी पिस्टल व २ जिवंत काडतुसे मिळुन आल्याने त्याच्या विरुध्द सहा. पोलीस उपनिरीक्षक प्रकाश कारटकर यांनी बार्शी शहर पोलीस ठाणे येथे सरकारतर्फे फिर्याद दिली.
बार्शी शहर पोलीस ठाणे गुरनं ५७/२०२६ भारतीय शस्त्र अधीनियम १९५९ चे कलम ३, २५ व म.पो. अधि. १९५१ चे कलम १३५ प्रमाणे गुन्हा दाखल करण्यात आला आहे. सदर गुन्हयात १ देशी बनावटी पिस्टल व २ जिवंत काडतुसे असे एकुण ५०,४००/- रू किंमतीचे मुद्देमाल हस्तगत करण्यात आला आहे.
ही कामगिरी अतुल कुलकर्णी, पोलीस अधीक्षक, प्रितम यावलकर, अपर पोलीस अधीक्षक, यांचे मार्गदर्शनाखाली वपोनि संजय जगताप, स्थानिक गुन्हे शाखा, सोलापूर ग्रामीण यांचे नेतृत्वाखाली पोसई कुलदिप सोनटक्के, सहा. पोलीस उपनिरीक्षक प्रकाश कारटकर, पोलीस हवालदार सलीम बागवान, विरेश कलशेट्टी, धनराज गायकवाड, पोलीस कॉन्स्टेबल प्रमोद शिंपाळे, अन्वर अत्तार, योगेश जाधव यांनी बाजवली आहे.
