स्कूटर चालकाला चिरडणाऱ्या महिला कार चालकाला पोलिसांनी अटक केली आहे. हेसाराघट्टातील मुख्य रस्त्यावर असलेल्या चौकात मंगळवारी एका कारनं स्कूटरला धडक दिली. धडक दिल्यानंतर कारनं दुचाकीस्वाराला चिरडलं. त्यावेळी रस्त्यावरून जात असलेल्या लोकांनी आकडाओरडा केला. त्यांचा आवाज ऐकून कार चालक महिलेनं ब्रेक दाबला. अपघातात दुचाकीस्वाराचा मृत्यू झाला आहे. या प्रकरणात पोलिसांनी महिलेला अटक केली आहे.
शुभा असं आरोपीचं नाव आहे. ब्रेकच्या जागी ऍक्सिलेटर दाबल्यानं हा प्रकार घडल्याचं महिलेनं पोलिसांना सांगितलं. महिलेच्या कारनं दुचाकीस्वाराला चिरडलं. संजय बाबू असं दुचाकीस्वाराचं नाव आहे. संजय त्यांचा मुलगा वेदांतसह दुचाकीवरून जात होते. समोरील वाहनं उजवीकडे वळत असल्यानं त्यांनी दुचाकीचा वेग कमी ठेवला होता. त्यावेळी शुभा यांची कार मागून आली. या कारनं दुचाकीला धडक दिली आणि संजय यांना चिरडलं.
Another video of car running over a motorist surfaces from Bengaluru, killing one and injuring the other on the bike. #Bangalore pic.twitter.com/i231yxNSdj
— Pinky Rajpurohit 🇮🇳 (@Madrassan_Pinky) February 7, 2023
अपघातात संजय यांचा मृत्यू झाला. तर त्यांचा मुलगा वेदांतवर रुग्णालयात उपचार सुरू आहेत. शुभा यांच्या चुकीमुळे संजय यांचा जीव गेला. या घटनेबद्दल संताप व्यक्त होत आहे. आरोपीवर कठोर कारवाई करण्याची मागी होत आहे. अपघाताचा व्हिडीओ सोशल मीडियावर व्हायरल झाला आहे. या प्रकरणी पोलिसांनी गुन्हा दाखल करून शुभा यांना अटक केली आहे.
