दोन चुलत भावांचा जळून मृत्यू झाला होता. याप्रकरणी पोलिसांच्या तपासात धक्कादायक माहिती समोर आली आहे. पोलिसांनी सांगितलं की, दारुच्या बाटल्या, कंडोम खोलीत ठेवून तब्बल दहा लिटर पेट्रोल ओतून या दोन भावांनी जाळण्यात आलं होतं. सुरुवातीला असं वाटत होतं की कुठल्या कारणाने खोलीत आग लागली असावी आणि त्यात होरपळून या दोघांचा मृत्यू झाला असावा. पण, घटनेच्या पाच दिवसांनी तपासातून असं दिसून आलं की दोघांना जिवंत जाळून मारण्यात आलं आहे. उत्तर प्रदेशातील कानपूर येथे ही घटना घडली.
या दोघांना मारण्यासाठी आरोपीने आणि प्लॅन बनवला होता. त्याने या दोघांजवळ दारुची बाटली आणि कंडोमचं पॅकेट ठेवलं. त्यानंतर दहा लिटर पेट्रोल ओतून दोघांना पेटवलं. इतकंच नाही तर त्याने प्लास्टिकच्या पिशवीत पेट्रोल टाकून त्यांच्यावर फेकलं. त्यांची ओळख पटू नये यासाठी आरोपीने सारे प्रयत्न केले. कानपूर पोलिसांनी या घटनेचा छडा लावला.
२० मार्चला शहरातील सेन पश्चिम पारा परिसरातीला कसिगवा येथे दोन चुलत भाऊ अनिल उर्फ सुनील आणि राज यांना त्यांचा चुलत भाऊ विनोद याने आपल्या वडिलांसोबत मिळून जिवंत जाळलं. पोलिसांना माहिती मिळाली होती की दोन तरुणांचा आगीत होरपळून मृत्यू झाला. पोलिसांनी घटनास्थळी जाऊन पाहिलं तर तिथे दोघांचे मृतदेह पूर्णपणे जळाले होते, घरातील सामानाही जळून खाक झालं होतं.
मृत सुनीलच्या नातेवाइकांनी दिलेल्या माहितीनुसार, त्याने अखेरचं आपल्या होण्याऱ्या बायकोशी फोनवरुन संवाद साधला होता. त्यावेळी फोन ठेवताना तो म्हणाला होता की काहीजण त्याची घराबाहेर वाट बघत आहेत. त्याने हे देखील सांगितलं की, त्याचा चुलत भाऊ विनोद आणि काका बबलूसोबत वाद सुरु आहे. त्यामुळे पोलिसांनी त्या दिशेने तपास करण्यास सुरुवात केली. तपासात पोलिसांच्या असं लक्षात आलं की ज्या घरात आग लागली त्याचा दरवाजा उघडा होता. जर घरात आग लागली तर हे दोघे बाहेर का पळाले नाही. जर, त्यांनी स्वत: आग लावली असेल तर त्यांनी दार बंद का केलं नाही. तसेच, सुनीलने असं का सांगितलं की काहीजण घराबाहेर वाट बघत आहेत.
पोलिसांनी जेव्हा या प्रकरणात विनोद आणि बबलूची चौकशी करण्यास सुरुवात केली, तेव्हा त्यांना कळालं की त्या रात्री त्यांना भेटायला कल्याण सिंग नावाची एक व्यक्ती आली होती. जेव्हा पोलिसांनी विनोद आणि बबलूची कसून चौकशी केली तेव्हा त्यांनी गुन्ह्याची कबुली दिली. सुनील आणि राज हे विनोदला शिवीगाळ करायचे. त्यामुळे तो यांच्या वागणुकीने त्रस्त झालेला होता. विनोदने दोघांच्या हत्येचा प्लॅन बनवला, त्यासाठी त्याने आपल्या दुचाकीची पेट्रोल टंकी दोनवेळा फुल केली. १९ मार्चला सुनील आपल्या घरात काही काम करत होता आणि रात्री तो घराचा दरवाजा उघडा ठेवून झोपला. यावेळी खोलीत चुलत भाऊ राजही झोपलेला होता.
विनोदने त्यांच्या बिछाण्याजवळ दारुची बाटली आणि कंडोमचं पाकिट ठेवलं. त्यानंतर बादलीत पेट्रोल भरुन त्यांच्यावर ओतलं. सुनील आणि राज यांना काही कळेल यापूर्वीच विनोदने त्यांना पेटवलं. विनोदला वाटलं की पोलिसांच्या तपासात हे दोघं दारु पित असल्याचं समोर येईल आणि कंडोम पाहून असं वाटेल की एखादी मुलगी इथे आली होती. पण, पोलिसांनी अत्यंत शिताफीने या घटनेचा तपास केला आणि घटनेच्या पाच दिवसातच आरोपींना अटक करुन या भयंकर घटनेचा छडा लावला.
