सोलापूर : ए. जी. पाटील अभियांत्रिकी महाविद्यालयात डॉ. बाबासाहेब आंबेडकर तंत्रज्ञान विद्यापीठ, लोणेरे अंतर्गत क्रीडा संस्कृतीला चालना देण्यासाठी दि. 25 नोव्हेंबर 2025 रोजी आंतर विभागीय बॅडमिंटन आणि टेबल टेनिस स्पर्धेचे आयोजन करण्यात आले. ह्या स्पर्धेसाठी महाराष्ट्रातील नागपूर, जळगांव, संभाजीनगर, पुणे, कोल्हापूर व सोलापूर झोन मधील विद्यार्थ्यांनी मोठ्या उत्साहात सहभाग नोंदवत स्पर्धेला रंगत आणली.
स्पर्धेचे उद्घाटन महाविद्यालयाचे कॅम्पस डायरेक्टर डॉ. एम. ए. चौगुले, प्राचार्य डॉ. व्ही. व्ही. पोतदार, विद्यापीठ सहाय्यक क्रीडा समन्व्यक प्रा. बालाजी फुलचवाड,संजय वाईकर, सोलापूर झोन सचिव प्रा. सचिन गायकवाड,निवड समिती सदस्य प्रा.अमित वडवेराव, प्रा. गणेश बागल यांच्या हस्ते करण्यात आले. यावेळी त्यांनी विद्यार्थ्यांना खेळ-आरोग्य, शिस्त आणि टीमभावनेचे महत्त्व पटवून दिले.टेबल टेनिस स्पर्धा प्रमुख पंच झेड. एम. पुणेकर, बॅडमिंटन स्पर्धा अमित नल्ला, सोनिया चंकेश्वरा यांच्या सहकार्याने सर्व विभागांमधील विद्यार्थ्यांनी स्पर्धांमध्ये उत्कृष्ट कामगिरी केली.दिवसभर चाललेल्या सामन्यांमध्ये खेळाडूंनी अचूकता, गती आणि कौशल्याचे शानदार प्रदर्शन करत प्रेक्षकांची दाद मिळवली. स्पर्धेचे संयोजन क्रीडा विभाग प्रमुख प्रा. शिवशरण कोरे व क्रीडा समन्व्यक यांनी उत्तमरित्या पार पाडले.
तंत्र शिक्षण व फार्मसी विद्यार्थ्यांमध्ये क्रीडाविषयक आवड वाढावी यासाठी महाविद्यालय पुढील काळातही विविध क्रीडा उपक्रम राबवणार असल्याचे प्राचार्यांनी सांगितले.
सर्वांगीण विकासासाठी संस्था अध्यक्ष श्री एस. ए. पाटील व संस्था सचिव शिवानंद पाटील नेहमीच अशा कार्यक्रमांना प्रोत्साहन देत असतात.
*फोटोओळी:- याप्रसंगी कॅम्पस डायरेक्टर डॉ. एम. ए. चौगुले, प्राचार्य डॉ. व्ही. व्ही. पोतदार,प्रा. शिवशरण कोरे व क्रीडा समन्व्यक*
