धाराशिव – तालुक्यातील सांजा येथील रामेश्वर मोहिते यांचा धाराशिव शहरातील सांजा रोडवरील भवानी चौकात भर दुपारी दुचाकी बुलेट अंगावर घालून खाली पाडून धारदार शस्त्रांनी वार करुन दोन्ही हात व पाय शरीरा वेगळे करुन खून केला. या प्रकरणी न्यायालयामध्ये आरोपींचे वकील ॲड.अमोल वरुडकर यांनी केलेला युक्तिवाद व साक्षीदार यांचा जबाब यात आलेल्या विसंगती तसेच कायद्याच्या तरतुदी या सर्व बाबी आरोपींच्या वकिलांनी भक्कमपणे न्यायालयात बाजू मांडल्यामुळे यातील सर्व आरोपींची मे.न्यायालयाने निर्दोष मुक्तता दि.२९ नोव्हेंबर रोजी केली.
याबाबत अधिक माहिती अशी की, दि. २६ एप्रिल २०२३ रोजी सांजा येथील रामेश्वर किसन मोहिते हे धाराशिव शहरातील सांजा रोडवरील भवानी चौकात रोडवर उभे होते. त्यावेळी आरोपी रणजीत सुभाष सुर्यवंशी, सागर रहमरी पडवळ, अक्षय रामहरी पडवळ, नारायण नागनाथ डोंगरे व चिवळादादा सुर्यवंशी यांनी मिळून रामेश्वर मोहिते यांच्या अंगावर दुचाकी बुलेट घालून त्यास खाली पाडले. तर रणजीत सुर्यवंशी व सागर रामहरी पडवळ यांनी रामेश्वर मोहितेच्या अंगावर कत्तीने हातावर व दोन्ही पायावर वार करून दोन्ही पाय व हात शरीरापासून वेगळे करून त्याचा खून केला. विशेष म्हणजे रामेश्वर मोहिते यास एक तासभर कोणीचीही मदत मिळू दिली नाही किंवा त्याच्या जवळ कोणालाही जाऊ दिले नाही.
या प्रकरणी रामहरीचा भाऊ पांडूरंग मोहिते यांनी वरील पाच आरोपी विरोधात पोलीस ठाण्यात तक्रार दाखल केली. त्यांच्या तक्रारीवरून वरील आरोपी विरुद्ध कलम ३०२, १४९, १४७, १४८ अन्वये पाच जनाविरुद्ध आनंद नगर पोलीस ठाण्यात गुन्हा नोंदकरण्यात आला.
सदर गुन्ह्यावरून आनंदनगर पोलिसांनी तत्कालीन पोलीस निरीक्षक दिलीप पाटेकर यांनी तपास करुन पाच आरोपींना अटक करून त्या आरोपी विरोधात न्यायालयामध्ये दोषारोप पत्र दाखल केले होते. त्यात सुरुवातीपासून ॲड. अमोल वरुडकर यांनी काम पाहून यातील आरोपी अक्षय रामरी पडवळ, नारायण नागनाथ डोंगरे आणि काका चिवळादादा सुर्यवंशी यांना या गुन्ह्यातून अगोदरच बाहेर काढले होते. त्यानंतर रणजीत सुभाष सुर्यवंशी व सागर रामहरी पडवळ यांच्या विरोधात दोषारोपत्र दाखल झाले होते.
सदर गुन्ह्याचे दोषारोपत्र दाखल झाल्यानंतर मे.न्यायालयात सुनावणी सुरू होऊन एकूण १३ साक्षीदारांची साक्ष तपासण्यात आली. यात कोणताही साक्षीदार व फिर्यादी देखील फितूर झालेले नव्हते. परंतू, आरोपीच्या वकिल ॲड.अमोल वरुडकर यांनी केलेला युक्तिवाद व साक्षीदार यांचा जबाब यामध्ये आलेल्या विसंगती आणि कायद्याच्या तरतुदी या सर्व बाबी आरोपींच्या वकिलांनी न्यायालयात भक्कमपणे बाजू मांडल्यामुळे यातील आरोपी रणजीत सुभाष सूर्यवंशी व सागर रामवाडी पडवळ यांची मे.न्यायालयाने निर्दोष मुक्तता केली.
यातील आरोपी सागर रामहरी पडवळ व रणजीत सुभाष सुर्यवंशी हे अडीच वर्षांपासून धाराशिव जिल्हा मध्यवर्ती कारागृहात होते. या प्रकरणात सुरुवातीपासून ॲड.अमोल वरुडकर यांनी काम पाहिले होते. त्यानंतर आरोपी रंजीत सुभाष सुर्यवंशी यांच्यातर्फे ॲड. व्ही.पी. डोके यांनी व आरोपी सागर रामहरी पडवळ यांच्या तर्फे ॲड.अमोल वरुडकर यांनी काम पाहिले होते. त्यांना ॲड वैभव खांडेकर ॲड.किरण चादरे, ॲड.सचिन जाधव, ॲड.बालाजी पोतदार, ॲड.रजनीकांत ढेकणे, ॲड.जनक साळुंखे व ॲड.दीपक तुपसुंदरे यांनी काम पाहिले.
