तभा फ्लॅश न्यूज/सोलापूर : मुख्यमंत्री सहायता निधी व धर्मादाय रुग्णालय कक्षासाठी सोलापूरचे सामाजिक कार्यकर्ते अंबादास व्यंकय्या बिंगी यांनी ५५ हजार ५५५ रुपयांचा धनादेश प्रभारी जिल्हाधिकारी तथा मुख्य कार्यकारी अधिकारी कुलदीप जंगम यांच्याकडे सुपूर्त केला.
या प्रसंगी मुख्यमंत्री सहायता निधी व धर्मादाय रुग्णालय कक्षाचे अध्यक्ष डॉ. अविनाश खांडेकर, सदस्य कैलास चौधरी, कपिल गायकवाड, तसेच रोहिणीताई तडवळकर, रामचंद्र जन्नू, पांडुरंग दिडी, श्रीहरी मायकल, लक्ष्मण गायकवाड, नागेश गंजी आदी मान्यवर उपस्थित होते.
यावेळी डॉ. खांडेकर यांनी कक्षामार्फत नियोजन भवन येथे सुरू असलेल्या गरजू रुग्णांना मिळणाऱ्या वैद्यकीय मदतीविषयी माहिती दिली. सोलापूर जिल्ह्यातील गरजू रुग्ण व त्यांच्या नातेवाईकांनी मुख्यमंत्री सहायता निधी तसेच धर्मादाय रुग्णालय कक्षाशी संपर्क साधावा, असे आवाहन त्यांनी केले.
तसेच सोलापूर जिल्ह्यातील देणगीदार व नागरिकांनी या कक्षासाठी सढळ हाताने मदतीचा हात पुढे करावा, असे आवाहन प्रशासनाच्या वतीने करण्यात आले आहे.
