अक्कलकोट – सदानंदाचा येळकोट.! च्या निनादाने व भंडाऱ्याच्या उधळणी करीत बोरगाव (दे) ग्राम दुमदुमून गेले. श्री खंडोबा देवाचे दर्शन घेण्यासाठी पंचक्रोशीतीली भक्तांनी मोठ्या गर्दी केलेली होती. तालुक्यातील बोरगाव (दे) येथील श्री खंडोबा मंदिरात प्रतिवर्षा प्रमाणे यंदाही चंपाषष्ठी उत्सव निमित्त मोठ्या भक्ती भावाने जल्लोषात साजरा करण्यात आला.
चंपाषष्ठी मार्गशीर्ष शुद्ध षष्ठी तिथीला साजरा केला जाणारा एक सण असून, या दिवशी भगवान शंकराचा अवतार असलेल्या खंडोबाने मणी-मल्ल या राक्षसांचा वध करून मिळवलेल्या विजयाचे प्रतीक म्हणून साजरा केला जातो. या दिवशी खंडोबाचे नवरात्र संपते आणि तळी भरण्याचा विधी केला जातो. या दिवशी खंडोबाने लोकांना राक्षसांच्या अत्याचारातून मुक्त केले होते, म्हणून त्याचे स्मरण म्हणून हा सण साजरा करतात.
दरम्यान चंपाषष्ठीच्या आदल्या दिवशी जागरण गोंधळ, पहाटे देवाचा लंगर तोडण्याचा कार्यक्रमा नंतर महापुजा, आरती व संपूर्ण गावातून श्री खंडोबा देवाची पालखी व नंदीध्वज मिरवणूक काढण्यात आली. महानैवद्या नंतर सदर भक्तांना महाप्रसाद देण्यात आला.
चंपाषष्ठीच्या दिवशी खंडोबाच्या नवरात्राची सांगता होते. हे नवरात्र मार्गशीर्ष शुद्ध प्रतिपदेपासून सुरू होऊन षष्ठीपर्यंत चालते. यासह चंपाषष्ठीच्या दिवशी मुख्य विधींपैकी एक म्हणजे तळी भरणे. यात खंडोबाच्या मूर्तीभोवती तळी भरली जाते आणि आरती केली जाते.
श्री खंडोबा देवाचे पूजन मंदिराचे पुजारी शशिकांत फुलारी यांनी केले. उत्सव साजरा करण्यासाठी हंसराज कामशेट्टी, भीमशंकर जिरगे, लिंबण्णा जिरगे, आनंदराव भोसले, शरणप्पा जिरगे, खंडाप्पा जिरगे, महादेव माने, अर्जुन धरगुंडे, खुशाबा बंदिछोडे, राम कामशेट्टी, चंद्राम जिरगे, राजेंद्र जुबरे, ज्ञानेश्वर माने, नितीन जिरगे, शरद भोसले, सचिन जिरगे, पिराप्पा कामशेट्टी, महादेव जिरगे, खंडाप्पा कामशेट्टी, योगेश फुलारी, राजू माने, तानाजी निंबाळकर, दयानंद पाटील, बाबाराव जिरगे, परमेश्वर देडे व ग्रामस्थांनी परिश्रम घेतले.
श्री क्षेत्र अक्कलकोट येथील छत्रपती शिवाजी महाराज चौक, बसस्थानक येथील श्री स्वामी समर्थ महाराज आलेले प्रथम स्थळ श्री खंडोबा मंदिरात चंपाषष्ठी उत्सव मोठ्या भक्तीभावाने साजरा
करण्यात आला. श्री खंडोबा देवाचे विधीवत पूजन, महाआरती, महानैवद्य, महाप्रसाद आदी धार्मिक कार्यक्रम मंदिराचे मुख्य पुरोहित गुरव बंधूच्या हस्ते संपन्न झाले. मंदिर परिसर भाविकांनी फुलून गेलेला होता.
