श्री दत्त विद्या मंदिर प्रशालेत संविधान दिन उत्साहात साजरा

सुस्ते – श्री दादासाहेब सोमदळे शिक्षण प्रसारक मंडळ, पंढरपूर संचलित, सुस्ते येथील श्री दत्त विद्या मंदिर व कनिष्ठ महाविद्यालयात 26 नोव्हेंबर रोजी संविधान दिन मोठ्या साजरा करण्यात आला. 

        प्रारंभी भारतीय संविधानाचे निर्माते डॉ.बाबासाहेब आंबेडकर यांच्या व संविधान उद्देशिका प्रतिमेचे पूजन संस्थेचे जेष्ठ संचालक अनिरुद्ध सालविठ्ठल, प्राचार्य अविनाश कटकधोंड, सरपंच विशाल कसबे यांचे हस्ते व शिक्षक प्रतिनिधी श्रीकांत चंदनशिवे,जेष्ठ शिक्षक जैनुद्दीन शेख, देविदास चेळेकर,भारत झांबरे,महेश देशमुख, प्रथमेश गावडे,वैशाली म्हेत्रे,कांचन टकले,नागनाथ मैंदर्गी,अमोल हुंगे यांच्या प्रमुख उपस्थितीत पूजन करण्यात आले. व प्रशालेतील सर्व शिक्षक शिक्षकेतर कर्मचारी यांच्या समवेत विद्यार्थ्यांच्या प्रभात फेरीचे उद्घाटन मान्यवरांच्या हस्ते करण्यात आले.

        यावेळी प्रशालेतील सर्व विद्यार्थ्यांनी संविधानाच्या गौरवार्थ, जगात महानभारतीय संविधान राष्ट्राचा मूलमंत्रन्याय, बंधुता,समता, स्वातंत्र्य,संविधान की रक्षा हमारा कर्तव्य,खुशहाल देश,समाज का पर्व , हर दिल मे रहे संविधान,स्वाभिमानी भारत की पहचान, करू संविधानाचे संवर्धन,त्याच्यामुळेच आहे सुंदर जीवन, संविधान देते हक्क अधिकार एकसंघ ठेवला देश-परिवार,संविधानामुळे मिळाले अन्न, वस्त्र, निवारा, शिक्षणमग करा सर्वांनी त्याचे संवर्धन,संविधान करते आपले रक्षण जबाबदारीने करा त्याचे पालन,अज्ञान, अंधरुढीचे निर्मूलन संविधान करते समाज प्रबोधन, संविधानाने झाला देश महान,वृक्ष-वेली, पशुपक्ष्यांसाठीही कायदे छान अशा प्रकारच्या घोषणांनी परिसर दणाणून सोडला‌.

          यावेळी संविधान विषयी प्रशालेतील विद्यार्थ्यांची भाषणे झाली.कर्तव्यदक्ष प्राचार्य अविनाश कटकधोंड यांनी देशाच्या सामाजिक, राजकीय,आर्थिक, सामाजिक व सांस्कृतिक प्रगतीमध्ये संविधानाने दिलेले अमूल्य योगदान,शासन प्रशासनाचे कार्य,नागरिकांचे हक्क अधिकार व कर्तव्ये,स्त्री प्रतिष्ठा,संविधान दिनाची पार्श्वभूमी या सर्वांबद्दल विद्यार्थ्यांना मोलाची माहिती सांगून मार्गदर्शन केले. संस्थेचे जेष्ठ संचालक आदरणीय अनिरुद्धभाऊ सालविठ्ठल यांनी विद्यार्थ्यांना संविधान दिनाच्या मंगल शुभेच्छा देऊन देशाचे जबाबदार नागरिक बना व स्वातंत्र्य, समता, न्याय, बंधुता ही मूल्ये जोपासून लोकशाहीचे संवर्धन करा,असे आवाहन केले.

          रॅलीची सांगता सामुदायिक संविधान उद्देशिकेच्या वाचनाने करण्यात आली.यावेळी नितीन वायदंडे,नवनाथ लोणकर,देवदत्त वाघ, प्रतिभा जावीर, गणेश पाटील,उज्वला कोळसे, बबन कोकतरे, राहुल शिंदे, ज्युनिअर विभाग प्रमुख राजाराम घोडके, सरस्वती शिंदे, संदीप चौधरी, समाधान शेजाळ,विष्णुपंत घोगले, धनाजी देठे, अंजली बोधले,विजय पंडित,गजानन गायकवाड, सुजित मोरे,बबन पवार, बाळासाहेब बनसोडे,भीमा खंडागळे आदी शिक्षक शिक्षकेतर कर्मचारी उपस्थित होते‌.अतिशय शिस्तबद्ध व उत्साही वातावरणात देशातील सर्वात मोठ्या असणाऱ्या भारतीय संविधानाच्या अर्थात लोकशाही शासन व्यवस्थेच्या गौरवाचा सोहळा आनंदात संपन्न झाला.