सिनेक्षेत्रात महत्त्वाचा मानला जाणारा दादासाहेब फाळके आंतरराष्ट्रीय चित्रपट महोत्सव मंगळवारी मोठ्या दिमाखात मुंबईत साजरा झाला. या महोत्सवात बॉलिवूडचा बादशाह शाहरूख खान सर्वोत्कृष्ट अभिनेता, तर नयनताराला सर्वोत्कृष्ट अभिनेत्री या पुरस्काराने सन्मानित करण्यात आले.
दादासाहेब फाळके आंतरराष्ट्रीय चित्रपट महोत्सव हा भारतीय सिनेसृष्टीमधील महत्वाच्या पुरस्कार सोहळ्यापैकी एक आहे. बॉलिवूड आणि टीव्ही जगतातील अभिनेते या पुरस्कार सोहळ्याची वाट पाहत असतात. या पुरस्काराच्या रूपाने वर्षभर केलेल्या मेहनतीचे फळ कलाकारांना मिळत असते.
या सोहळ्याला अभिनेत्री करीना कपूर खान, शाहिद कपूर, राणी मुखर्जी आणि रणबीर कपूर यांच्यासह अनेक कलाकारांनी हजेरी लावली होती. पुरस्कार सोहळ्यासाठी कलाकारांनी खास लूक केला होता. शाहरुख आणि राणी मुखर्जी यांनी ऑल ब्लॅक लूक केला होता. तर करीना आणि नयनतारा यांचा खास लूक सर्वांचे लक्ष वेधून घेत होता. यावेळी रेड कार्पेटवर नयनतारा ही पिवळ्या रंगाची साडी आणि गोल्डन ज्वेलरी अशा लूकमध्ये दिसली. तर करीना ही गोल्डन कलरच्या आऊटफिटमध्ये दिसली.
पुरस्कार स्वीकारताना शाहरुख खान भावूक झाला होता. यावेळी त्याने चित्रपटाशी संबंधित सर्वांचे आभार मानले.
पुरस्कार आणि पुरस्कारार्थी
सर्वोत्कृष्ट अभिनेता – शाहरुख खान (जवान)
सर्वोत्कृष्ट अभिनेत्री – नयनतारा (जवान)
सर्वोत्कृष्ट खलनायक (नकारात्मक भूमिका) – बॉबी देओल (ॲनिमल)
सर्वोत्कृष्ट दिग्दर्शक – संदीप रेड्डी वांगा (ॲनिमल)
सर्वोत्कृष्ट अभिनेता (क्रिटिक्स) – विकी कौशल (सॅम बहादूर)
