बार्शी – पुणे विभाग शिक्षक मतदारसंघाचे आमदार श्री. दत्तात्रय सावंत यांनी जिजाऊ गुरुकुल खांडवी येथे भेट देऊन विद्यालयातील विविध उपक्रमांची पाहणी केली. या भेटीदरम्यान **्ज््ज्ज्््ज््ज्ज्् जिजाऊ गुरुकुलच्या वतीने श्री. दत्तात्रय सावंत यांचा पुस्तक,शाल, श्रीफळ व पुष्पगुच्छ देऊन सन्मान करण्यात आला.
कार्यक्रमाच्या प्रारंभी संस्थेचे डायरेक्टर श्री. संदेश कदम यांनी प्रास्ताविक करताना जिजाऊ गुरुकुलमध्ये राबविण्यात येणाऱ्या विविध विद्यार्थी केंद्रीत उपक्रमांची तसेच संस्थेच्या भविष्यातील नियोजनाची सविस्तर माहिती दिली.
संस्थापक अध्यक्ष श्री. संभाजी घाडगे यांनी आपल्या भाषणात स्वय: अर्थसाहित शाळांना भेडसावणाऱ्या अडचणी तसेच सरकारी सहकार्याची आवश्यकता या विषयावर आपले विचार मांडले.
यावेळी मार्गदर्शन करताना श्री. दत्तात्रय सावंत यांनी ग्रामीण भागातील विद्यार्थ्यांसाठी राबविण्यात येणाऱ्या नावीन्यपूर्ण उपक्रमांचे कौतुक केले. जिजाऊ गुरुकुलसारख्या संस्थांनी ग्रामीण भागात शिक्षणाचा दर्जा उंचावण्यात महत्त्वाची भूमिका निभावली आहे. भविष्यात या संस्थेच्या प्रगतीसाठी मी खंबीरपणे उभा राहीन, असा विश्वास सावंत यांनी व्यक्त केला.
याप्रसंगी संस्थेचे संस्थापक अध्यक्ष संभाजी घाडगे, संस्थेचे प्रशासकीय अधिकारी किशोर कदम, डायरेक्टर संदेश कदम, जिजाऊ गुरुकुलचे शिक्षक व शिक्षकेतर कर्मचारी, तसेच अन्य मान्यवर उपस्थित होते.
कार्यक्रमाचे प्रास्ताविक सौ. वैशाली क्षीरसागर यांनी केले, तर सौ. सुवर्णा देवकर यांनी आभार प्रदर्शन केले.
