अजिंक्य रहाणे सध्या रणजी ट्रॉफीमध्ये मुंबईचा कर्णधार आहे. आंध्रविरुद्ध त्याचे खाते उघडले नाही पण संघाला मोठा विजय मिळाला. सामन्यानंतर रहाणेने आपले सर्वात मोठे लक्ष्य कोणते आहे, ते सांगितला.
अजिंक्य रहाणे गेल्या १३ वर्षांपासून भारतीय क्रिकेट संघातील फलंदाजी फळीमधील एक शानदार खेळाडू आहे. त्याने ८५ कसोटी सामनेही खेळले आहेत. राष्ट्रीय निवडकर्त्यांनी त्याला पुन्हा एकदा संघातून वगळले असले तरी २०२१ मध्ये ऑस्ट्रेलियात ऐतिहासिक मालिका विजय मिळवणाऱ्या संघाच्या या मधल्या फळीतील फलंदाज होता. भारताकडून १०० कसोटी खेळून मुंबईसाठी आणखी एक रणजी करंडक जिंकण्याची आकांक्षा बाळगणाऱ्या ३५ वर्षीय रहाणेने भारतीय संघात पुनरागमनाची आशा सोडलेली नाही.
याआधी निवड समितीकडून दुर्लक्ष करण्यात आलेल्या रहाणेने गेल्या वर्षी शानदार पुनरागमन केले. आयपीएलमध्ये चेन्नई सुपर किंग्जसाठी उत्कृष्ट कामगिरी केल्यानंतर, त्याने जागतिक कसोटी चॅम्पियनशिपच्या अंतिम फेरीसाठी संघात स्थान मिळवले. ऑस्ट्रेलियाविरुद्धच्या अंतिम सामन्यात तो सर्वाधिक धावा करणारा भारतीय फलंदाज होता. यानंतर तो वेस्ट इंडिज दौऱ्यावरही संघाचा भाग होता. मात्र त्यानंतर रहाणेला वगळण्यात आले. पण त्याने अजूनही पुनरागमनाची आशा सोडलेली नाही.
मुंबईतील बीकेसी स्टेडियमवर मुंबईच्या दुसऱ्या फेरीच्या रणजी सामन्याच्या समारोपानंतर रहाणे म्हणाला, “रणजी ट्रॉफी जिंकणे आणि भारतासाठी १०० कसोटी सामने खेळण्याचे लक्ष्य गाठणे हे माझे मोठे ध्येय आहे. मुंबईसाठी चांगली कामगिरी करण्यावर आणि प्रत्येक सामन्यात एकेक पाऊल पुढे टाकण्यावर माझा भर आहे.
आंध्रविरुद्ध आऊट
या मोसमातील पहिल्या सामन्यात आंध्रविरुद्ध त्याला खातेही उघडता आले नाही. यानंतरही रहाणेच्या शानदार नेतृत्त्वाखाली चौथ्या दिवशी सकाळी संघाला विजय मिळवून दिला. मात्र, यशाचा मार्ग आव्हानांनी भरलेला होता. त्यांना फॉलोऑन आणि जिंकण्यासाठी शानदार गोलंदाजीची गरज आहे.
आंध्रला पुन्हा एकदा फलंदाजी देण्याबद्दल रहाणे म्हणाला, ‘हा निर्णय सहजच होता कारण अशा संधी फार कमी वेळा येते. जर तुम्ही परिस्थिती वाचली आणि सात आकडे बघितले तर ते तुमच्यासाठी पुढे ते उपयुक्त ठरेल. आगामी सामन्यांमध्ये विकेट कशी असेल, परिस्थिती कशी असेल, संघ कसे फॉर्ममध्ये असतील हे तुम्हाला माहीत नाही. तुम्हाला कधीच कळत नाही की पुढे काय होणार आहे. त्यामुळे मला काल वाटले की जर गोलंदाजांनी स्वतःला थोडेसे पुश केले आणि दोन-तीन विकेट लवकर घेतल्या तर आम्हाला जिंकणे सोपे होईल.
मुंबईचे दोन मोठे विजय
तिसऱ्या दिवशीचा खेळ संपेपर्यंत मुंबईने पाच विकेट्स घेतल्या आणि चौथ्या दिवसाच्या पहिल्या सत्रात १० गडी राखून सामना जिंकला. रणजी इतिहासातील सर्वात यशस्वी संघाचा हा सलग दुसरा विजय आहे.
