बार्शी – महाराष्ट्र लोकसेवा आयोगाच्यावतीने घेण्यात आलेल्या विभागीय स्पर्धा परीक्षेत देवशाला शिवाजी शिंदे-गुंड यांची उपशिक्षणाधिकारीपदी निवड झाली आहे.
ही परीक्षा सन २०१७ मध्ये घेण्यात आली होती. यापूर्वीच निकाल जाहीर झालेला होता. परंतु सदर परीक्षेबाबत सुप्रीम कोर्टात न्यायालयात रिट याचिका दाखल असल्याने निकालास विलंब झालेला होता.
सध्या सुप्रीम कोर्टाने अंशतः निकाल दिल्याने पात्र उमेदवाराचे निकाल आजरोजी जाहीर झाले असून, लोकसेवा आयोगाने अंशतः अंतिम यादी प्रसिद्ध केलेली असून शिंदे-गुंड यांची उपशिक्षणाधिकारीपदी निवड झालेली आहे.
देवशाला शिंदे यांनी यापूर्वी वैराग येथील नवीन मराठी प्राथमिक विद्यालय पंचशीलनगर वैराग येथे मुख्याध्यापिका म्हणून सेवा बजावली. धाराशिव येथे शिक्षणविस्तार अधिकारी म्हणून तुळजापूर ग्रामीण बीटमध्ये कार्यरत होत्या. परंतु प्रतिनियुक्तीने सध्या त्या महाराष्ट्र राज्य योजना कार्यालय पुणे येथे कार्यरत आहेत.
